ಕಂಪನಿಯು ಸಾಲಗಳ ಮರುಪಾವತಿಗೆ ಮಾಡುವ ವೆಚ್ಚವು ಶೇಕಡ 36.4ರಷ್ಟು ಹೆಚ್ಚಾಗಿದ್ದು, ₹ 5,201 ಕೋಟಿಗೆ ತಲುಪಿದೆ. ಕಂಪನಿಯು ಸಾಲವಾಗಿ ಪಡೆದ ಹಣವನ್ನು ಪರಿಸರಪೂರಕ ಇಂಧನ ವಲಯದಲ್ಲಿ ವಹಿವಾಟು ವಿಸ್ತರಿಸಲು ಹಾಗೂ ದೂರಸಂಪರ್ಕ ಮತ್ತು ರಿಟೇಲ್ ವಹಿವಾಟು ವಿಸ್ತರಣೆ ಮಾಡಲು ಬಳಸಿಕೊಳ್ಳುತ್ತಿದೆ. ಕಂಪನಿಯ ಸಾಲದ ಮೊತ್ತವು ಹಿಂದಿನ ವರ್ಷದ ಡಿಸೆಂಬರ್ ತ್ರೈಮಾಸಿಕಕ್ಕೆ ಹೋಲಿಸಿದರೆ, ಈ ವರ್ಷದ ಡಿಸೆಂಬರ್ ತ್ರೈಮಾಸಿಕದಲ್ಲಿ ₹ 59 ಸಾವಿರ ಕೋಟಿಯಷ್ಟು ಹೆಚ್ಚಾಗಿದ್ದು, ₹ 3.03 ಲಕ್ಷ ಕೋಟಿಗೆ ತಲುಪಿದೆ.