ಮುಂಬೈ: ಇಲ್ಲಿಯ ವಿದೇಶಿ ಕರೆನ್ಸಿ ಮಾರುಕಟ್ಟೆಯಲ್ಲಿ ಡಾಲರ್ ಎದುರು ರೂಪಾಯಿ ವಿನಿಮಯ ದರವು ಗುರುವಾರದ ವಹಿವಾಟಿನಲ್ಲಿ 77 ಪೈಸೆಗಳಷ್ಟು ಹೆಚ್ಚಳಗೊಂಡಿತು.
ವಿದೇಶಿ ಬಂಡವಾಳದ ಒಳ ಹರಿವಿನಲ್ಲಿ ಏರಿಕೆ ಮತ್ತು ಕಚ್ಚಾ ತೈಲದ ಬೆಲೆ ಇಳಿಕೆಯ ಫಲವಾಗಿ ರೂಪಾಯಿ ವಿನಿಮಯ ದರ ಈಗ ₹ 70.69ಕ್ಕೆ ಏರಿದೆ.
ವಿದೇಶಿ ಕರೆನ್ಸಿಗಳ ಎದುರು ಡಾಲರ್ ಬೆಲೆ ಇಳಿಕೆಯಾಗುತ್ತಿದೆ. ಹೀಗಾಗಿ ರೂಪಾಯಿ ಬೆಲೆ ಸತತ 7ನೇ ದಿನವೂ ಏರಿಕೆ ದಾಖಲಿಸಿದೆ.
ಷೇರುಪೇಟೆ ವಹಿವಾಟು: ಲೋಹ, ವಾಹನ ಮತ್ತು ಬ್ಯಾಂಕಿಂಗ್ ವಲಯದ ಷೇರುಗಳು ಮಾರಾಟದ ಒತ್ತಡಕ್ಕೆ ಒಳಗಾದವು. ಹೀಗಾಗಿ ಮುಂಬೈ ಷೇರುಪೇಟೆ ಸೂಚ್ಯಂಕ 218 ಅಂಶ ಇಳಿಕೆಯಾಗಿ 34,981ರಲ್ಲಿ ವಹಿವಾಟು ಅಂತ್ಯವಾಯಿತು.