ಚೀನಾದ ತೈಲ ಸಂಸ್ಕರಣಾ ಕಂಪನಿಗಳಿಗೆ ಸೌದಿ ಅರೇಬಿಯಾದಿಂದ ಬರುವ ಕಚ್ಚಾ ತೈಲದ ಪ್ರಮಾಣದಲ್ಲಿ ತುಸು ಕಡಿತ ಆಗಲಿದೆ. ಜಪಾನ್ಗೆ ಸೌದಿಯಿಂದ ಬರುವ ಕಚ್ಚಾ ತೈಲದ ಪ್ರಮಾಣದಲ್ಲಿನ ಕಡಿತವು ಶೇ 10ರಿಂದ ಶೇ 15ರವರೆಗೆ ಇರಲಿದೆ ಎಂದು ಗೊತ್ತಾಗಿದೆ. ಭಾರತಕ್ಕೆ ಪೂರೈಸುವ ಕಚ್ಚಾ ತೈಲದ ಪ್ರಮಾಣವನ್ನು ಹೆಚ್ಚಿಸಬೇಕು ಎಂದು ಭಾರತದ ತೈಲ ಸಂಸ್ಕರಣಾ ಕಂಪನಿಗಳು ಮಾಡಿದ್ದ ಮನವಿಯನ್ನು ಸೌದಿ ಪುರಸ್ಕರಿಸಿಲ್ಲವಾದರೂ, ಪೂರೈಕೆ ಕಡಿತ ಮಾಡಿಲ್ಲ ಎಂದು ಮೂಲಗಳು ಹೇಳಿವೆ.