ಮುಂಬೈ: ದೇಶದ ಷೇರುಪೇಟೆಗಳ ಮೇಲೆ ಕೇಂದ್ರ ಬಜೆಟ್ ಮೂಡಿಸಿರುವ ಆತಂಕ ಇನ್ನೂ ಕಡಿಮೆಯಾಗಿಲ್ಲ.ಸತತ ನಾಲ್ಕನೇ ವಹಿವಾಟು ಅವಧಿಯಲ್ಲಿಯೂ ನಕಾರಾತ್ಮಕ ವಹಿವಾಟು ನಡೆಯಿತು.
ಮುಂಬೈ ಷೇರುಪೇಟೆ ಸಂವೇದಿ ಸೂಚ್ಯಂಕ (ಬಿಎಸ್ಇ) 48 ಅಂಶ ಇಳಿಕೆ ಕಂಡು 37,983 ಅಂಶಗಳಲ್ಲಿ ವಹಿವಾಟು ಅಂತ್ಯಗೊಂಡಿತು. ವಹಿವಾಟು ಮುಕ್ತಾಯವಾಗಲು ಒಂದು ಗಂಟೆ ಇರುವಾಗ ಅತಿಯಾದ ಮಾರಾಟದ ಒತ್ತಡ ಕಂಡುಬಂತು. ಇದರಿಂದ ಸೂಚ್ಯಂಕ ನಷ್ಟ ಕಾಣುವಂತಾಯಿತು.
ರಾಷ್ಟ್ರೀಯ ಷೇರುಪೇಟೆ ಸೂಚ್ಯಂಕ (ಎನ್ಎಸ್ಇ) ನಿಫ್ಟಿ 15 ಅಂಶ ಇಳಿಕೆ ಕಂಡು 11,331 ಅಂಶಗಳಿಗೆ ತಲುಪಿತು.
