ಮುಂಬೈ: ಸರ್ಕಾರಿ ಸಾಲಪತ್ರಗಳ ಜೂನ್ ತಿಂಗಳ ವಾಯಿದಾ ವಹಿವಾಟು ಮುಕ್ತಾಯವು ಗುರುವಾರ ಷೇರುಪೇಟೆಯಲ್ಲಿ ನಕಾರಾತ್ಮಕ ವಹಿವಾಟು ನಡೆಯುವಂತೆ ಮಾಡಿತು.
ಮುಂಬೈ ಷೇರುಪೇಟೆ (ಬಿಎಸ್ಇ) ಸಂವೇದಿ ಸೂಚ್ಯಂಕ 581 ಅಂಶಗಳಷ್ಟು ಏರಿಳಿತ ಕಂಡು, ಅಂತಿಮವಾಗಿ 27 ಅಂಶಗಳ ಇಳಿಕೆಯೊಂದಿಗೆ 34,842 ಅಂಶಗಳಲ್ಲಿ ವಹಿವಾಟು ಅಂತ್ಯವಾಗಿದೆ.
ರಾಷ್ಟ್ರೀಯ ಷೇರುಪೇಟೆ (ಎನ್ಎಸ್ಇ) ಸೂಚ್ಯಂಕ ನಿಫ್ಟಿ 16 ಅಂಶ ಇಳಿಕೆಯಾಗಿ 10,289 ಅಂಶಗಳಲ್ಲಿ ವಹಿವಾಟು ಅಂತ್ಯಗೊಂಡಿದೆ.
ದಿನದ ವಹಿವಾಟಿನಲ್ಲಿ ಏಷ್ಯನ್ ಪೇಂಟ್ಸ್ ಷೇರು ಶೇ 3.30ರಷ್ಟು ಇಳಿಕೆಯಾಗಿದೆ. ಇನ್ಫೊಸಿಸ್, ಎಚ್ಸಿಎಲ್ ಟೆಕ್, ಒಎನ್ಜಿಸಿ, ಮಹೀಂದ್ರಾ, ಇಂಡಸ್ಇಂಡ್ ಬ್ಯಾಂಕ್ ಮತ್ತು ಎಲ್ಆ್ಯಂಡ್ಟಿ ಷೇರುಗಳ ಮೌಲ್ಯದಲ್ಲಿಯೂ ಇಳಿಕೆಯಾಗಿದೆ.
ಐಟಿಸಿ, ಕೋಟಕ್ ಬ್ಯಾಂಕ್, ಬಜಾಜ್ ಫೈನಾನ್ಸ್, ಎಚ್ಯುಎಲ್ ಮತ್ತು ಐಸಿಐಸಿಐ ಬ್ಯಾಂಕ್ ಷೇರುಗಳು ಶೇ 5.45ರವರೆಗೆ ಏರಿಕೆ ಕಂಡಿವೆ.
ಬಿಎಸ್ಇ ಮಧ್ಯಮ ಮತ್ತು ಸಣ್ಣ ಶ್ರೇಣಿಯ ಸೂಚ್ಯಂಕಗಳು ಶೇ 0.76ರಷ್ಟು ಹೆಚ್ಚಾಗಿವೆ.