ಮಾರಾಟ ಒತ್ತಡಕ್ಕೆ ಕುಸಿದ ಸೂಚ್ಯಂಕ

ಗರಿಷ್ಠ ಮಟ್ಟದಲ್ಲಿದ್ದ ಷೇರು ಬೆಲೆಗಳ ಪ್ರಯೋಜನ ಪಡೆದುಕೊಳ್ಳಲು ವಹಿವಾಟುದಾರರು ಮಾರಾಟಕ್ಕೆ ಮುಗಿಬಿದ್ದರು.ಇದರಿಂದಾಗಿ ಸಂವೇದಿ ಸೂಚ್ಯಂಕವು ಒಂದು ಹಂತದಲ್ಲಿ 39,571 ಅಂಶಗಳಿಗೆ ಏರಿಕೆ ಕಂಡಿತ್ತು. ದಿನದ ಅಂತ್ಯದಲ್ಲಿ 383 ಅಂಶ ಕುಸಿತ ಕಂಡು 38,969 ಅಂಶಗಳಲ್ಲಿ ವಹಿವಾಟು ಕೊನೆಗೊಳಿಸಿತು. ರಾಷ್ಟ್ರೀಯ ಷೇರುಪೇಟೆ ‘ನಿಫ್ಟಿ’ 119 ಅಂಶ ಕುಸಿತ ದಾಖಲಿಸಿ 11,709 ಅಂಶಗಳಿಗೆ ತಲುಪಿತು.

ಎಲ್ಲ ವಲಯಗಳ ಷೇರುಗಳಲ್ಲಿ ಮಾರಾಟ ಒತ್ತಡ ಕಂಡು ಬಂದಿತು. ಟಾಟಾ ಮೋಟರ್ಸ್‌ ಗರಿಷ್ಠ ನಷ್ಟ ಕಂಡಿತು.

ಮತಗಟ್ಟೆ ಸಮೀಕ್ಷೆಗಳು ಅಂದಾಜು ಮಾಡಿರುವಂತೆಯೇ ಚುನಾವಣಾ ಫಲಿತಾಂಶ ಬಂದರೆ, ಪೇಟೆಯಲ್ಲಿ ಖರೀದಿ ಭರಾಟೆ ಮುಂದುವರೆಯಲಿದೆ ಎಂದು ವಹಿವಾಟುದಾರರುಅಭಿಪ್ರಾಯಪಟ್ಟಿದ್ದಾರೆ.