ಸೋನು ಸೂದ್‌ ಸನ್‌ಪ್ಯೂರ್‌ ಬ್ರ್ಯಾಂಡ್ ರಾಯಭಾರಿ

‘ಸೋನು ಸೂದ್ ತಮ್ಮ ನಿಸ್ವಾರ್ಥ ಸೇವೆಯ ಕಾರಣಕ್ಕೆ ಈಗ ಸನ್‌ಪ್ಯೂರ್‌ನ ವಿಶ್ವಾಸಾರ್ಹ ಪ್ರತಿನಿಧಿಯಾಗಿ ಆಯ್ಕೆಯಾಗಿದ್ದು, ಅವರ ಬದ್ಧತೆಯಿಂದ ಧನಾತ್ಮಕ ಬದಲಾವಣೆ ಮತ್ತು ಆರೋಗ್ಯಕರ ಪರಿಸರ ನಿರ್ಮಾಣ ಸಾಧ್ಯವಾಗಲಿದೆ’ ಎಂದು ಕಂಪನಿಯು ಪ್ರಕಟಣೆಯಲ್ಲಿ ಹೇಳಿದೆ.

‘ಸೋನು ಸೂದ್ ನಮ್ಮ ಬ್ರ್ಯಾಂಡ್ ಅಂಬಾಸಿಡರ್ ಆಗಿರುವುದು ನಮಗೆ ಗೌರವ ತಂದಿದೆ ಹಾಗೂ ಖುಷಿ ನೀಡಿದೆ. ಜನರಿಂದ ಏನನ್ನೂ ನಿರೀಕ್ಷಿಸದೆ,ಪ್ರತಿಫಲಾಪೇಕ್ಷೆಯಿಲ್ಲದೆ ಕೆಲಸ ಮಾಡಿದ ಅವರ ಬದ್ಧತೆ ನಮ್ಮ ಬ್ರ್ಯಾಂಡ್‌ ಅನ್ನು ಮತ್ತಷ್ಟು ಗಟ್ಟಿಗೊಳಿಸಲು ನೆರವಾಗುತ್ತದೆ’ ಎಂದು ಸನ್‌ಪ್ಯೂರ್‌ನ ಮಾರಾಟ ಮತ್ತು ಮಾರುಕಟ್ಟೆ ನಿರ್ದೇಶಕ ಮನ್ನನ್ ಖಾನ್ ಹೇಳಿದ್ದಾರೆ.