ಮುಂಬೈ: ದೇಶದ ಷೇರುಪೇಟೆಗಳಲ್ಲಿ ಮಂಗಳವಾರ ಚಂಚಲ ವಹಿವಾಟು ನಡೆಯಿತು.
ಮುಂಬೈ ಷೇರುಪೇಟೆ (ಬಿಎಸ್ಇ) ಸಂವೇದಿ ಸೂಚ್ಯಂಕ ಆರಂಭದಲ್ಲಿ 716 ಅಂಶಗಳಷ್ಟು ಕುಸಿತ ಕಂಡಿತ್ತು. ನಂತರ ಚೇತರಿಕೆ ಹಾದಿಗೆ ಮರಳಿತು. ಅಂತಿಮವಾಗಿ 190 ಅಂಶಗಳ ಇಳಿಕೆಯೊಂದಿಗೆ 31,371 ಅಂಶಗಳಿಗೆ ತಲುಪಿತು.
ಬಿಎಸ್ಇ ಮಧ್ಯಮ ಮತ್ತು ಸಣ್ಣ ಶ್ರೇಣಿಯ ಸೂಚ್ಯಂಕಗಳು ಶೇ 0.75ರಷ್ಟು ಇಳಿಕೆ ಕಂಡಿವೆ.
ರಾಷ್ಟ್ರೀಯ ಷೇರುಪೇಟೆ (ಎನ್ಎಸ್ಇ) ಸೂಚ್ಯಂಕ ನಿಫ್ಟಿ 43 ಅಂಶ ಇಳಿಕೆ ಕಂಡು 9,196ಕ್ಕೆ ತಲುಪಿತು.
ರಿಲಯನ್ಸ್ ಇಂಡಸ್ಟ್ರೀಸ್ ಶೇ 6ರಷ್ಟು ಗರಿಷ್ಠ ಕುಸಿತ ಕಂಡಿತು.
ರೂಪಾಯಿ ಚೇತರಿಕೆ: ಕರೆನ್ಸಿ ವಿನಿಮಯ ಮಾರುಕಟ್ಟೆಯಲ್ಲಿ ಡಾಲರ್ ಎದುರು ರೂಪಾಯಿ ಮೌಲ್ಯ 22 ಪೈಸೆ ಹೆಚ್ಚಾಗಿ ಒಂದು ಡಾಲರ್ಗೆ ₹ 75.51ರಂತೆ ವಿನಿಮಯಗೊಂಡಿತು.