ನವದೆಹಲಿ: ದಿನಸಿ ವಸ್ತುಗಳನ್ನು ತ್ವರಿತವಾಗಿ ಮನೆ ಬಾಗಿಲಿಗೆ ವಿತರಿಸುವ ತನ್ನ ಇನ್ಸ್ಟಾಮಾರ್ಟ್ ವಹಿವಾಟಿನಲ್ಲಿ ₹ 5,250 ಕೋಟಿ ಬಂಡವಾಳ ಹೂಡಿಕೆ ಮಾಡುವುದಾಗಿ ಸ್ವಿಗ್ಗಿ ಕಂಪನಿಯು ಗುರುವಾರ ಹೇಳಿದೆ.
2020ರಲ್ಲಿ ಬೆಂಗಳೂರು ಮತ್ತು ಗುರುಗ್ರಾಮದಲ್ಲಿ ಆರಂಭವಾದ ಇನ್ಸ್ಟಾಮಾರ್ಟ್ ಸೇವೆಯು ಸದ್ಯ 18 ನಗರಗಳಿಗೆ ವಿಸ್ತರಿಸಿಕೊಂಡಿದೆ. 2022ರ ಜನವರಿ ವೇಳೆಗೆ 15 ನಿಮಿಷದೊಳಗೆ ಗ್ರಾಹಕರಿಗೆ ದಿನಸಿ ವಸ್ತುಗಳನ್ನು ತಲುಪಿಸುವ ವ್ಯವಸ್ಥೆ ಮಾಡಲಾಗುವುದು ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.