ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಭಾರೀ ನಿರೀಕ್ಷೆ ಹುಟ್ಟಿಸಿದ್ದ ‘ಟಾಟಾ ನಿಯೋ‘ಗೆ ಆರಂಭದ ವರ್ಷದಲ್ಲೇ ಹಿನ್ನಡೆ

ನಿರೀಕ್ಷಿತ ಗುರಿ ಮುಟ್ಟುವಲ್ಲಿ ವಿಫಲ
Last Updated 11 ಜನವರಿ 2023, 8:27 IST
ಅಕ್ಷರ ಗಾತ್ರ

ಬೆಂಗಳೂರು: ಭಾರೀ ಮಹತ್ವಕಾಂಕ್ಷೆಯಿಂದ ಟಾಟಾ ಸಮೂಹ ಆರಂಭಿಸಿದ್ದ ಸೂಪರ್‌ ಆ್ಯಪ್‌ ‘ಟಾಟಾ ನಿಯೋ‘ಗೆ ಆರಂಭಿಕ ವರ್ಷದಲ್ಲಿ ಹಿನ್ನಡೆಯಾಗಿದೆ. ಅಂದುಕೊಂಡದ್ದಕ್ಕಿಂತ ಅರ್ಧದಷ್ಟು ಮಾತ್ರ ಆದಾಯದ ಗುರಿ ಸಾಧಿಸಲು ಮಾತ್ರ ಸಾಧ್ಯವಾಗಿದೆ ಎಂದು ಈ ಕುರಿತು ಮಾಹಿತಿ ಇರುವವರನ್ನು ಉಲ್ಲೇಖಿಸಿ ಎನ್‌ಡಿಟಿವಿ ವರದಿ ಮಾಡಿದೆ.

2022ರ ಏಪ್ರಿಲ್‌ನಲ್ಲಿ ಬಿಡುಗಡೆಯಾಗಿದ್ದ ಟಾಟಾ ನಿಯೋ ಭಾರೀ ನಿರೀಕ್ಷೆ ಹುಟ್ಟಿಸಿತ್ತು. ಆದರೆ ಟಾಟಾ ಸಮೂಹ ಇಟ್ಟುಕೊಂಡಷ್ಟು ಗುರಿಯನ್ನು ತಲುಪಲು ವಿಫಲವಾಗಿದೆ.

2023ರ ಮಾರ್ಚ್‌ ಅಂತ್ಯದ ವೇಳೆಗೆ 8 ಬಿಲಿಯನ್‌ ಡಾಲರ್‌ ಗಳಿಸುವ ಗುರಿ ಹಾಕಿಕೊಳ್ಳಲಾಗಿತ್ತು. ಆದರೆ ಕೇವಲ 4 ಬಿಲಿಯನ್‌ ಡಾಲರ್‌ನಷ್ಟು ಗುರಿ ಸಾಧಿಸಿದೆ ಎಂದು ತಿಳಿದುಬಂದಿದೆ.

ಈ ಬಗ್ಗೆ ಟಾಟಾದಿಂದ ಯಾವುದೇ ಅಧಿಕೃತ ಮಾಹಿತಿ ಬಂದಿಲ್ಲವಾದರೂ, ಈ ಬಗ್ಗೆ ತಿಳಿದಿರುವವರಿಂದ ಮಾಹಿತಿ ಲಭಿಸಿದೆ. ನಿಯೋವನ್ನು ಲಾಭದ ಹಳಿಗೆ ತರಲು ಸಂಸ್ಥೆಯ ಮುಖ್ಯ ಕಾರ್ಯನಿರ್ವಾಹಣಾ ಅಧಿಕಾರಿ ಪ್ರತೀಕ್‌ ಪಾಟೀಲ್‌ ಹೆಚ್ಚಿನ ಮುತುವರ್ಜಿ ವಹಿಸಿದ್ದಾರೆ ಎಂದು ಗೊತ್ತಾಗಿದೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT