ನವದೆಹಲಿ: ರಾಜಧಾನಿ ದೆಹಲಿಯಲ್ಲಿ ತರಕಾರಿಗಳ ಬೆಲೆ ಏರಿಕೆ ಸರದಿಯಲ್ಲಿ ಈರುಳ್ಳಿ ಬಳಿಕ ಇದೀಗ ಟೊಮೆಟೊ ಬಂದಿದೆ. ಬುಧವಾರ ಪ್ರತಿ ಕೆ.ಜಿ ಬೆಲೆ₹ 80ಕ್ಕೆ ತಲುಪಿದೆ.
ಕರ್ನಾಟಕವನ್ನೂ ಒಳಗೊಂಡು ಟೊಮೆಟೊ ಬೆಳೆಯುವ ರಾಜ್ಯಗಳಲ್ಲಿ ಪ್ರವಾಹ ಸ್ಥಿತಿ ಎದುರಾಗಿದ್ದರಿಂದ ಪೂರೈಕೆಯಲ್ಲಿ ಕೊರತೆ ಆಗಿದೆ. ಇದರಿಂದಾಗಿ ಕೆಲವು ದಿನಗಳಿಂದ ಬೆಲೆಯಲ್ಲಿ ಏರಿಕೆ ಕಂಡು ಬಂದಿದೆ ಎಂದು ಆಜಾದ್ ಪುರ ಮಂಡಿಯ ಸಗಟುವರ್ತಕರೊಬ್ಬರು ಹೇಳಿದ್ದಾರೆ.
ಸಫಲ್ ಮಳಿಗೆಗಳಲ್ಲಿ ಕೆ.ಜಿಗೆ ₹ 58ರಂತೆ ಮಾರಾಟ ಮಾಡಲಾಗುತ್ತಿದೆ. ಆದರೆ, ಸ್ಥಳೀಯ ವ್ಯಾಪಾರಿಗಳು ಗುಣಮಟ್ಟದ ಆಧಾರದ ಮೇಲೆ ಕೆ.ಜಿಗೆ ₹ 60 ರಿಂದ ₹ 80ರವರೆಗೂ ಮಾರಾಟ ಮಾಡುತ್ತಿದ್ದಾರೆ.