ಬೆಂಗಳೂರು: ದೇಶದ ಪ್ರಮುಖ ದ್ವಿಚಕ್ರ ವಾಹನ ತಯಾರಿಕಾ ಕಂಪನಿಯಾಗಿರುವ ಟಿವಿಎಸ್ ಮೋಟರ್ ಕಂಪನಿ, ‘ಆಧುನಿಕ–ರೆಟ್ರೊ’ ವಿನ್ಯಾಸದ ‘ರೋನಿನ್’ ದ್ವಿಚಕ್ರ ವಾಹನವನ್ನು ಬಿಡುಗಡೆ ಮಾಡಿದೆ.
‘ಈ ದ್ವಿಚಕ್ರ ವಾಹನದ ಬಿಡುಗಡೆಯು ನಮ್ಮ ಪಾಲಿಗೆ ಒಂದು ಮೈಲಿಗಲ್ಲು ಇದ್ದಂತೆ’ ಎಂದು ಕಂಪನಿಯ ವ್ಯವಸ್ಥಾಪಕ ನಿರ್ದೇಶಕ ಸುದರ್ಶನ್ ವೇಣು ಹೇಳಿದ್ದಾರೆ.
ಇದು ಮೂರು ಮಾದರಿಗಳಲ್ಲಿ ಲಭ್ಯವಾಗಲಿದೆ. ವಾಯ್ಸ್ ಅಸಿಸ್ಟ್, ಮೊಬೈಲ್ ದೂರವಾಣಿ ಕರೆ ಬರುತ್ತಿರುವುದರ ಸಂದೇಶ ರವಾನೆ ಸೇರಿದಂತೆ ಹಲವು ಸೌಲಭ್ಯಗಳು ಈ ವಾಹನದಲ್ಲಿ ಇರಲಿವೆ ಎಂದು ಕಂಪನಿ ತಿಳಿಸಿದೆ.