ನವದೆಹಲಿ: ಮೊಬೈಲ್ ಸೇವಾ ಶುಲ್ಕಗಳನ್ನು ಕಾಲಕಾಲಕ್ಕೆ ಪರಿಷ್ಕರಿಸುವ ಅಗತ್ಯವಿದೆ ಎಂದು ವೊಡಾಫೋನ್ ಐಡಿಯಾ ಕಂಪನಿ ಹೇಳಿದೆ.
'ವಿಶ್ವದಲ್ಲಿ ಅತ್ಯಂತ ಕಡಿಮೆ ಶುಲ್ಕ ಇರುವುದು ಭಾರತದಲ್ಲಿ. ಆದರೆ, ಅನಿಯಮಿತ ಡೇಟಾ ಸೌಲಭ್ಯದ ಕಾರಣದಿಂದಾಗಿ ಅತಿಹೆಚ್ಚು ತಲಾವಾರು ಡೇಟಾ ಬಳಕೆ ಇರುವುದು ಕೂಡ ಭಾರತದಲ್ಲಿಯೇ’ ಎಂದು ಕಂಪನಿಯು ವಾರ್ಷಿಕ ವರದಿಯಲ್ಲಿ ಹೇಳಿದೆ.
‘ದೂರಸಂಪರ್ಕ ಉದ್ಯಮವು ಕಾಲಕಾಲಕ್ಕೆ ಸೇವಾ ಶುಲ್ಕವನ್ನು ಜಾಸ್ತಿ ಮಾಡಬೇಕು. ಕಂಪನಿಗಳು ಹೂಡಿಕೆ ಮಾಡಿರುವ ಮೊತ್ತಕ್ಕೆ ಪ್ರತಿಯಾಗಿ ಒಳ್ಳೆಯ ಫಲ ಸಿಗಬೇಕು ಎಂದಾದರೆ, ಭವಿಷ್ಯದಲ್ಲಿ ಹೂಡಿಕೆಗಳಿಗೆ ನೆರವಾಗಬೇಕು ಎಂದಾದರೆ ಇದು ಅಗತ್ಯ’ ಎಂದು ಕಂಪನಿಯು ಹೇಳಿದೆ.