ನವದೆಹಲಿ: ಸರ್ಕಾರಿ ಕಂಪನಿಗಳು ನೀಡ ಬೇಕಿರುವ ಹೊಂದಾಣಿಕೆ ಮಾಡಿದ ಒಟ್ಟು ವರಮಾನದ (ಎಜಿಆರ್) ಬಾಕಿ ಮೊತ್ತದಲ್ಲಿ ಶೇ 98ರಷ್ಟನ್ನು ಕೈಬಿಡಲು ನಿರ್ಧರಿಸಿರುವುದಾಗಿ ಕೇಂದ್ರ ಸರ್ಕಾರವು ಸುಪ್ರೀಂ ಕೋರ್ಟ್ಗೆ ಗುರುವಾರ ತಿಳಿಸಿದೆ.
ಗೇಲ್, ಪವರ್ ಗ್ರಿಡ್, ಆಯಿಲ್ ಇಂಡಿಯಾ, ದೆಹಲಿ ಮೆಟ್ರೊ ಒಳ ಗೊಂಡು ಸರ್ಕಾರಿ ಸ್ವಾಮ್ಯದ ಕಂಪನಿಗಳ ಒಟ್ಟಾರೆಎಜಿಆರ್ ಬಾಕಿ ₹ 4 ಲಕ್ಷ ಕೋಟಿ ಇದ್ದು, ಅದರಲ್ಲಿ ಶೇ 96ರಷ್ಟು ಕೈಬಿಡಲು ದೂರಸಂಪರ್ಕ ಇಲಾಖೆ ನಿರ್ಧರಿಸಿದೆ ಎಂದು ವಿಡಿಯೊ ಕಾನ್ಫರೆನ್ಸ್ ಮೂಲಕ ನಡೆದ ವಿಚಾರಣೆಯ ವೇಳೆ ಹೇಳಿದೆ.
ದೂರಸಂಪರ್ಕವು ಮುಖ್ಯ ವಹಿವಾಟು ಅಲ್ಲ. ಪರವಾನಗಿಯಿಂದ ಬರುವ ವರಮಾನವು ಅತ್ಯಲ್ಪ ಎಂದು ಹೇಳಿ, ಬಾಕಿ ಪಾವತಿಸುವ ಕುರಿತ ದೂರಸಂಪರ್ಕ ಇಲಾಖೆಯ ನಿರ್ಧಾರವನ್ನು ಈ ಕಂಪನಿಗಳು ಕೋರ್ಟ್ನಲ್ಲಿ ಮರುಪ್ರಶ್ನಿಸಿದ್ದವು.
ಸರ್ಕಾರಿ ಸ್ವಾಮ್ಯದ ಕಂಪನಿಗಳಿಗೆ ನೀಡಿರುವ ಆದೇಶವನ್ನು ಮರುಪರಿ ಶೀಲಿಸುವಂತೆ ಸುಪ್ರೀಂ ಕೋರ್ಟ್ ಜೂನ್ 11ರಂದು ಕೇಂದ್ರ ಸರ್ಕಾರಕ್ಕೆ ಸೂಚಿಸಿತ್ತು.