ವಿಪ್ರೊ: ₹ 2,345 ಕೋಟಿ ಲಾಭ

ಹಿಂದಿನ ವರ್ಷದ ಇದೇ ಅವಧಿಯಲ್ಲಿನ ₹ 2,494 ಕೋಟಿ ನಿವ್ವಳ ಲಾಭಕ್ಕೆ ಹೋಲಿಸಿದರೆ ಈ ಬಾರಿಯ ಲಾಭದ ಪ್ರಮಾಣವು ಶೇ 6ರಷ್ಟು ಕಡಿಮೆಯಾಗಿದೆ.

ಈ ಅವಧಿಯಲ್ಲಿನ ವರಮಾನವು ₹ 15,711 ಕೋಟಿಗಷ್ಟಾಗಿದೆ. 2019ರ 4ನೇ ತ್ರೈಮಾಸಿಕದಲ್ಲಿನ ₹ 15,006 ಕೋಟಿ ವರಮಾನಕ್ಕೆ ಹೋಲಿಸಿದರೆ ಶೇ 4.6ರಷ್ಟು ಏರಿಕೆ ದಾಖಲಾಗಿದೆ. ಐ.ಟಿ ಸೇವೆಗಳ ವರಮಾನದ ಮೇಲೆ ‘ಕೋವಿಡ್‌–19’ ಪಿಡುಗಿನ ವ್ಯತಿರಿಕ್ತ ಪ್ರಭಾವ ₹ 105 ಕೋಟಿಗಳಿಂದ ₹ 120 ಕೋಟಿಗಳಷ್ಟು (ಶೇ 0.7 ರಿಂದ ಶೇ 0.8) ಇದೆ ಎಂದು ಕಂಪನಿ ಅಂದಾಜಿಸಿದೆ.

ಆರ್ಥಿಕತೆಯಲ್ಲಿನ ಅನಿಶ್ಚಿತತೆ ಕಾರಣಕ್ಕೆ ಜೂನ್‌ ತ್ರೈಮಾಸಿಕದಲ್ಲಿನ ವರಮಾನ ಹೆಚ್ಚಳದ ಮುನ್ನೋಟ ನೀಡಲು ಸಾಧ್ಯವಾಗುತ್ತಿಲ್ಲ ಎಂದು ಕಂಪನಿ ತಿಳಿಸಿದೆ.

ಅಂತಿಮ ಲಾಭಾಂಶ: ಅಂತಿಮ ಲಾಭಾಂಶ ಘೋಷಣೆ ಸಂಬಂಧ ನಿರ್ದೇಶಕ ಮಂಡಳಿಯು ಯಾವುದೇ ನಿರ್ಧಾರ ಕೈಗೊಂಡಿಲ್ಲ. ಜನವರಿಯಲ್ಲಿ ಪ್ರಕಟಿಸಿದ್ದ ಪ್ರತಿ ಷೇರಿನ ₹ 1ರಷ್ಟು ಮಧ್ಯಂತರ ಲಾಭಾಂಶವನ್ನೇ 2019–20ನೇ ಸಾಲಿನ ಅಂತಿಮ ಲಾಭಾಂಶವೆಂದು ಪರಿಗಣಿಸಲು ನಿರ್ಧರಿಸಲಾಗಿದೆ.