ನವದೆಹಲಿ: ವಿಶ್ವಬ್ಯಾಂಕ್ನ ಹೆಸರು ಮತ್ತು ಚಿಹ್ನೆ ಇರುವ ನಕಲಿ ಡೆಬಿಟ್ ಮತ್ತು ಕ್ರೆಡಿಟ್ ಕಾರ್ಡ್ಗಳನ್ನು ವಿತರಿಸಲಾಗುತ್ತಿದೆ. ಈ ಬಗ್ಗೆ ಜಾಗರೂಕರಾಗಿ ಇರಬೇಕು ಎಂದು ವಿಶ್ವಬ್ಯಾಂಕ್ ಎಚ್ಚರಿಕೆ ನೀಡಿದೆ.
ಭಾರತದಲ್ಲಿ ಅಂತಹ ಡೆಬಿಟ್/ಕ್ರೆಡಿಟ್ ಕಾರ್ಡ್ ನೀಡಲಾಗುತ್ತಿದೆ ಎನ್ನುವುದು ತನ್ನ ಗಮನಕ್ಕೆ ಬಂದ ಬಳಿಕ ವಿಶ್ವಬ್ಯಾಂಕ್ ಈ ಎಚ್ಚರಿಕೆ ನೀಡಿದೆ ಎಂದು ಸಾಲದಾತ ಸಂಸ್ಥೆಯೊಂದು ಹೇಳಿದೆ.
ವಿಶ್ವಬ್ಯಾಂಕ್ ಸಮೂಹವು ಯಾವುದೇ ರೀತಿಯ ಕ್ರೆಡಿಟ್/ಡೆಬಿಟ್ ಕಾರ್ಡ್ ನೀಡುತ್ತಿಲ್ಲ ಎಂದು ಅದು ಹೇಳಿದೆ. ವಿಶ್ವಬ್ಯಾಂಕ್ನ ಕಾರ್ಯಕ್ರಮಗಳು ಮತ್ತು ನೀತಿಗಳ ಬಗ್ಗೆ ತಿಳಿದುಕೊಳ್ಳಲು www.worldbank.orgಗೆ ಭೇಟಿ ನೀಡುವಂತೆ ಅದು ತಿಳಿಸಿದೆ.