ಜೆರೊದಾದಿಂದ ಶೀಘ್ರವೇ ಎಎಂಸಿ ಆರಂಭ?

‘ಎಎಂಸಿ (ಮ್ಯೂಚುವಲ್‌ ಫಂಡ್‌) ಪರವಾನಗಿ ಕೋರಿದ್ದಕ್ಕೆ ನಮಗೆ ತಾತ್ವಿಕ ಒಪ್ಪಿಗೆ ದೊರೆತಿದೆ. ಇನ್ನು ಮುಂದೆ ಕಠಿಣ ಕೆಲಸವಿದೆ’ ಎಂದು ಜೆರೊದಾ ಸಂಸ್ಥಾಪಕ ಮತ್ತು ಮುಖ್ಯ ಕಾರ್ಯನಿರ್ವಹಣಾ ಅಧಿಕಾರಿ ನಿತಿನ್ ಕಾಮತ್ ಅವರು ಬುಧವಾರ ಟ್ವೀಟ್ ಮಾಡಿದ್ದಾರೆ.

‘ಬಂಡವಾಳ ಮಾರುಕಟ್ಟೆಯಲ್ಲಿನ ಪಾಲ್ಗೊಳ್ಳುವಿಕೆಯನ್ನು ಹೆಚ್ಚಿಸಲು, ಈಗ ಹೂಡಿಕೆ ಮಾಡುತ್ತಿಲ್ಲದವರನ್ನು ತಲುಪಲು ಮ್ಯೂಚುವಲ್‌ ಫಂಡ್‌ಗಳನ್ನು ಮರುರೂಪಿಸಬೇಕಿದೆ ಎಂಬುದು ನಮ್ಮ ಅನಿಸಿಕೆ. ಹಾಗಾಗಿ, ನಾವು ಆಸ್ತಿ ನಿರ್ವಹಣಾ ಕಂಪನಿ (ಮ್ಯೂಚುವಲ್‌ ಫಂಡ್‌) ಆರಂಭಿಸಲು ಅರ್ಜಿ ಸಲ್ಲಿಸಿದ್ದೇವೆ’ ಎಂದು ಕಾಮತ್ ಅವರು ಈ ಹಿಂದೆ ಹೇಳಿದ್ದರು.