ನವದೆಹಲಿ: ರೆಸ್ಟಾರೆಂಟ್‌, ಹೋಟೆಲ್‌ಗಳಿಂದ ಆಹಾರ ವಸ್ತುಗಳನ್ನು ಮನೆ ಬಾಗಿಲಿಗೆ ತಲುಪಿಸುವ ಜೊಮ್ಯಾಟೊ ಕಂಪನಿಯ ಷೇರುಗಳನ್ನು ಸಾರ್ವಜನಿಕರಿಗೆ ಖರೀದಿಗೆ ಮುಕ್ತವಾಗಿಸುವ ಪ್ರಕ್ರಿಯೆಯು (ಐಪಿಒ) ಜುಲೈ 14ರಿಂದ ಆರಂಭ ಆಗಲಿದೆ. ಕಂಪನಿಯು ಪ್ರತಿ ಷೇರಿನ ಬೆಲೆಯನ್ನು ₹ 72ರಿಂದ ₹ 76ರವರೆಗೆ ನಿಗದಿ ಮಾಡಿದೆ.
ಕಂಪನಿಯು ಐಪಿಒ ಮೂಲಕ ಒಟ್ಟು ₹ 9,375 ಕೋಟಿ ಸಂಗ್ರಹಿಸುವ ಉದ್ದೇಶ ಹೊಂದಿದೆ. ಐಪಿಒ ನಂತರದಲ್ಲಿ ಕಂಪನಿಯ ಮೌಲ್ಯವು ₹ 64,365 ಕೋಟಿ ಆಗಿರಲಿದೆ ಎಂದು ಕಂಪನಿಯ ಮುಖ್ಯ ಹಣಕಾಸು ಅಧಿಕಾರಿ (ಸಿಎಫ್‌ಒ) ಅಕ್ಷಂತ್ ಗೋಯಲ್ ಹೇಳಿದ್ದಾರೆ. ಆನ್‌ಲೈನ್ ಮೂಲಕ ಆಹಾರ ವಸ್ತುಗಳನ್ನು ಮನೆಬಾಗಿಲಿಗೆ ತಲುಪಿಸುವ ಮಾರುಕಟ್ಟೆಯಲ್ಲಿ ಜೊಮ್ಯಾಟೊ ಮತ್ತು ಸ್ವಿಗ್ಗಿ ಪ್ರಮುಖ ಪಾಲು ಹೊಂದಿವೆ.
2019–20ರಲ್ಲಿ ಜೊಮ್ಯಾಟೊ ಕಂಪನಿಯ ಆದಾಯವು ₹ 2,960 ಕೋಟಿಗೆ ಏರಿಕೆ ಆಗಿದೆ.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.