ಶುಕ್ರವಾರ, ಡಿಸೆಂಬರ್ 6, 2019
24 °C

ಭಾರತ್ ಬಾಂಡ್‌ ಇಟಿಎಫ್‌ ಚಾಲನೆಗೆ ಕೇಂದ್ರ ಸಂಪುಟ ಒಪ್ಪಿಗೆ; ಯೂನಿಟ್‌ಗೆ ₹1000

Published:
Updated:
ಬಾಂಡ್‌ ಇಟಿಎಫ್‌– ಸಾಂದರ್ಭಿಕ ಚಿತ್ರ

ನವದೆಹಲಿ: ಸರ್ಕಾರಿ ಸ್ವಾಮ್ಯದ ಸಂಸ್ಥೆಗಳಿಗೆ ಹೆಚ್ಚುವರಿ ಹಣಕಾಸು ಪೂರೈಕೆಗೆ ಅನುವಾಗುವ ನಿಟ್ಟಿನಲ್ಲಿ 'ಭಾರತ್‌ ಬಾಂಡ್‌ ಇಟಿಎಫ್‌'ಗೆ ಚಾಲನೆ ನೀಡಲು ಸಚಿವ ಸಂಪುಟ ಬುಧವಾರ ಸಮ್ಮತಿ ಸೂಚಿಸಿದೆ. 

ಸರ್ಕಾರಿ ಸ್ವಾಮ್ಯದ ಸಂಸ್ಥೆಗಳು ಹೊರಡಿಸುವ ಹಲವು ಬಾಂಡ್‌ಗಳನ್ನು ಇಟಿಎಫ್‌ ಒಳಗೊಂಡಿರಲಿದೆ. ಷೇರುಪೇಟೆಯಲ್ಲಿ ಬಾಂಡ್‌ಗಳು ವಹಿವಾಟಿಗೆ ಒಳಪಡಲಿದ್ದು, ಸಣ್ಣ ಹೂಡಿಕೆದಾರರೂ ಸಹ ಇಂಥ ಬಾಂಡ್‌ಗಳಲ್ಲಿ ಹೂಡಿಕೆ ಮಾಡಬಹುದಾಗಿದೆ. ಬಾಂಡ್‌ ಇಟಿಎಫ್‌ ಪ್ರತಿ ಯೂನಿಟ್‌ಗೆ ₹1000 ಇರಲಿದೆ. 

ಇದರಿಂದ ಸರ್ಕಾರಿ ಸ್ವಾಮ್ಯದ ಸಂಸ್ಥೆಗಳಿಗೆ ಹೆಚ್ಚುವರಿ ಹಣದ ಹರಿವು ಸಿಗಲಿದೆ ಎಂದು ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್‌ ಹೇಳಿದ್ದಾರೆ. 

ಇದನ್ನೂ ಓದಿ: ದರ ಹೆಚ್ಚಳಕ್ಕೂ ಮುನ್ನ ಜಿಯೊ ₹444×4 ಆಲ್‌–ಇನ್‌–ಒನ್‌ ಪ್ಲಾನ್; 336 ದಿನಗಳ ಸೇವೆ

ಈಗಾಗಲೇ ಷೇರುಗಳ ವಿನಿಮಯ ವಹಿವಾಟು ನಿಧಿ ಚಾಲ್ತಿಯಲ್ಲಿದ್ದು, ಇದೀಗ ಬಾಂಡ್‌ಗಳ ವಿನಿಮಯ ವಹಿವಾಟು ನಿಧಿಗೆ ಸಮ್ಮತಿ ದೊರೆತಿದೆ. ಭಾರತ್‌ ಬಾಂಡ್‌ ವಿನಿಮಯ ವಹಿವಾಟು ನಿಧಿ ದೇಶದ ಮೊದಲ ಕಾರ್ಪೊರೇಟ್‌ 'ಬಾಂಡ್‌ ಇಟಿಎಫ್‌' ಆಗಲಿದೆ. 

ಬಾಂಡ್‌ಗಳ ಇಟಿಎಫ್‌ ನಿಗದಿತ ಪರಿಪಕ್ವ ದಿನ (ಮೆಚ್ಯುರಿಟಿ ಡೇಟ್‌) ಹೊಂದಿರಲಿದೆ. ವಹಿವಾಟಿಗೆ ಒಳಪಡುವ ಬಾಂಡ್‌ಗಳು 3 ವರ್ಷ ಮತ್ತು 10 ವರ್ಷಗಳ ಮೆಚ್ಯುರಿಟಿ ಅವಧಿ ಹೊಂದಿರಲಿವೆ ಎಂದು ನಿರ್ಮಲಾ ಸೀತಾರಾಮನ್‌ ಮಾಹಿತಿ ನೀಡಿದ್ದಾರೆ. 

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು