ಕಾರ್ಪೊರೇಟ್ ವಲಯದ ಜೂನ್ ತ್ರೈಮಾಸಿಕದ ಹಣಕಾಸು ಸಾಧನೆಯ ಘೋಷಣೆಗೆ ಶುಕ್ರವಾರ ಚಾಲನೆ ದೊರೆತಿದೆ. ಟಿಸಿಎಸ್ ಕಂಪನಿಯ ನಿವ್ವಳ ಲಾಭವು ಶೇಕಡ 5.2ರಷ್ಟು ಹೆಚ್ಚಾಗಿದೆ. ಐ.ಟಿ. ವಲಯದ ಕಂಪನಿಗಳ ಷೇರುಗಳ ಮೌಲ್ಯವು ಕುಸಿತ ಕಾಣುತ್ತಿದೆ. ಬಿಎಸ್ಇನಲ್ಲಿ ಐ.ಟಿ. ಸೂಚ್ಯಂಕ ಈ ವರ್ಷದಲ್ಲಿ ಇದುವರೆಗೆ ಶೇ 24ರಷ್ಟು (9,046 ಅಂಶ) ಕುಸಿತ ಕಂಡಿದೆ. ಜನವರಿ 17ರಂದು ಸಾರ್ವಕಾಲಿಕ ಗರಿಷ್ಠ ಮಟ್ಟವಾದ 38,713ಕ್ಕೆ ಏರಿಕೆ ಕಂಡಿದ್ದರೆ, ಜೂನ್ 17ರಂದು 52 ವಾರಗಳ ಕನಿಷ್ಠ ಮಟ್ಟವಾದ 26,827ಕ್ಕೆ ಕುಸಿದಿತ್ತು.