ಬೆಂಗಳೂರು: ಆನ್ಲೈನ್ ಮೂಲಕ ಔಷಧ ಮಾರಾಟ ಮಾಡುವ ನೆಟ್ ಮೆಡ್ಸ್ ಕಂಪನಿಯಲ್ಲಿನ ಅತಿಹೆಚ್ಚಿನ ಷೇರುಪಾಲನ್ನು ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ನ ಅಂಗಸಂಸ್ಥೆ ರಿಲಯನ್ಸ್ ರಿಟೇಲ್ ವೆಂಚರ್ಸ್ ಲಿಮಿಟೆಡ್ ತನ್ನದಾಗಿಸಿಕೊಂಡಿದೆ.
ಈ ಖರೀದಿಯ ಮೊತ್ತ ₹ 620 ಕೋಟಿ ಎಂದು ರಿಲಯನ್ಸ್ ಹೇಳಿದೆ. ನೆಟ್ಮೆಡ್ಸ್ನಲ್ಲಿ ರಿಲಯನ್ಸ್ ಈಗ ಶೇಕಡ 60ರಷ್ಟು ಪಾಲನ್ನು ಹೊಂದಿದೆ. ಬೆಂಗಳೂರಿನಲ್ಲಿ ಆನ್ಲೈನ್ ಮೂಲಕ ಔಷಧಗಳ ಮಾರಾಟಕ್ಕೆ ಅಮೆಜಾನ್ ಚಾಲನೆ ನೀಡಿದ ಬೆನ್ನಲ್ಲೇ ಈ ಖರೀದಿ ನಡೆದಿದೆ.
‘ಗುಣ ಮಟ್ಟ ಹಾಗೂ ಕೈಗೆಟಕುವ ದರದ ಆರೋಗ್ಯ ಸೇವಾ ಉತ್ಪನ್ನಗಳನ್ನು ಜನರಿಗೆ ತಲುಪಿಸಲು ಸಾಧ್ಯವಾಗುತ್ತದೆ’ ಎಂದು ನಿರ್ದೇಶಕಿ ಇಶಾ ಅಂಬಾನಿ ಹೇಳಿದ್ದಾರೆ.