ಬೆಂಗಳೂರು: ನಗರದಲ್ಲಿ ಹೊಸ ಅಪಾರ್ಟ್ಮೆಂಟ್ಗಳ ನಿರ್ಮಾಣದ ಮೇಲೆ 5 ವರ್ಷಗಳ ಕಾಲ ನಿಷೇಧ ವಿಧಿಸಲು ರಾಜ್ಯ ಸರ್ಕಾರ ಚಿಂತನೆ ನಡೆಸಿರುವುದರಿಂದ ಬೆಂಗಳೂರಿನ ರಿಯಲ್ ಎಸ್ಟೇಟ್ ಸಂಸ್ಥೆಗಳ ಷೇರುಗಳ ಬೆಲೆ ಕುಸಿತ ಕಂಡಿವೆ.
ಮುಂಬೈ ಷೇರುಪೇಟೆಯ ಶುಕ್ರವಾರದ ವಹಿವಾಟಿನಲ್ಲಿ ಈ ರಿಯಾಲ್ಟಿ ಸಂಸ್ಥೆಗಳ ಷೇರುಗಳು ಶೇ 5.35ರವರೆಗೆ ಕುಸಿತ ದಾಖಲಿಸಿವೆ.
ಶೋಭಾ ಲಿಮಿಟೆಡ್ ಷೇರು ಬೆಲೆ ಶೇ 1.81ರಷ್ಟು ಕಡಿಮೆಯಾಗಿ ₹ 535.40ಕ್ಕೆ ಇಳಿದಿದೆ. ಪ್ರೆಸ್ಟೀಜ್ ಎಸ್ಟೇಟ್ಸ್ ಪ್ರಾಜೆಕ್ಟ್ ಲಿಮಿಟೆಡ್ನ ಪ್ರತಿ ಷೇರಿನ ಬೆಲೆ ಶೇ 3.67ರಷ್ಟು ಕಡಿಮೆಯಾಗಿ ₹ 268.10ಕ್ಕೆ ಇಳಿದಿದೆ.
ಈ ಪ್ರಸ್ತಾವ ಜಾರಿಗೆ ಬರುವ ಸಾಧ್ಯತೆ ಕಡಿಮೆ ಇದೆ. ಕಟ್ಟಡ ನಿರ್ಮಾಣ ಚಟುವಟಿಕೆಗೆ ಸಂಬಂಧಿಸಿದ ಇತರ ವಲಯಗಳಿಂದಲೂ ಸರ್ಕಾರಕ್ಕೆ ವರಮಾನ ಹರಿದು ಬರುತ್ತದೆ. ಈ ವರಮಾನ ಕಳೆದುಕೊಳ್ಳಲು ಸರ್ಕಾರ ಮುಂದಾಗಲಿಕ್ಕಿಲ್ಲ ಎಂದು ರಿಯಲ್ ಎಸ್ಟೇಟ್ ಪರಿಣತರೊಬ್ಬರು ಅಂದಾಜಿಸಿದ್ದಾರೆ.