ವರ್ಣಮಯ ‘ಪ್ರಜಾವಾಣಿ’ಗೆ ಓದುಗರ ಮೆಚ್ಚುಗೆ

7

ವರ್ಣಮಯ ‘ಪ್ರಜಾವಾಣಿ’ಗೆ ಓದುಗರ ಮೆಚ್ಚುಗೆ

Published:
Updated:
Deccan Herald

ಚಾಮರಾಜನಗರ: ಆರು ದಶಕಗಳಿಗಿಂತಲೂ ಹೆಚ್ಚು ಕಾಲ ರಾಜ್ಯದಾದ್ಯಂತ ಓದುಗರ ಮನ–ಮನೆಗೆ ರಾಜ್ಯ, ರಾಷ್ಟ್ರ, ವಿದೇಶ ಸುದ್ದಿಗಳನ್ನು ತಲುಪಿಸುತ್ತಿರುವ ಅತ್ಯಂತ ವಿಶ್ವಾಸಾರ್ಹ ಪತ್ರಿಕೆ ‘ಪ್ರಜಾವಾಣಿ’ಯ ಹೊಸ ವರ್ಣಮಯ ಪುಟಗಳಿಗೆ ಜಿಲ್ಲೆಯ ಓದುಗರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. 

ಚಾಮರಾಜನಗರ ಜಿಲ್ಲೆಯಾದ್ಯಂತ ಪತ್ರಿಕೆಯ ಸ್ಥಳೀಯ ಪುಟಗಳು ಶುಕ್ರವಾರದಿಂದ ಬಣ್ಣದ ರೂಪ ಪಡೆದಿವೆ. ಜಿಲ್ಲೆಯ ವಿವಿಧ ಕಡೆಗಳಲ್ಲಿ ಪತ್ರಿಕೆ ಏ‌ಜೆಂಟರು, ವಿತರಕರು ಹಾಗೂ ಗಣ್ಯರು ವರ್ಣಮಯ ‘ಪ್ರಜಾವಾಣಿ’ಯನ್ನು ಸಾಂಕೇತಿಕವಾಗಿ ಬಿಡುಗಡೆಗೊಳಿಸಿ, ಪತ್ರಿಕೆಯ ಹೊಸ ಯತ್ನಕ್ಕೆ ಶುಭಹಾರೈಸಿದರು.

ಕೊಳ್ಳೇಗಾಲದಲ್ಲಿ ಪ್ರಾಥಮಿಕ ಮತ್ತು ಪ್ರೌಢ ಶಿಕ್ಷಣ ಸಚಿವ ಎನ್‌.ಮಹೇಶ್‌, ಹನೂರಿನಲ್ಲಿ ಜಿಲ್ಲಾಧಿಕಾರಿ ಬಿ.ಬಿ.ಕಾವೇರಿ, ಚಾಮರಾಜನಗರದಲ್ಲಿ ಮರಿಯಾಲದ ಮುರುಘರಾಜೇಂದ್ರ ಮಠದ ಇಮ್ಮಡಿ ಮುರುಘರಾಜೇಂದ್ರ ಸ್ವಾಮೀಜಿ ಅವರು ಪತ್ರಿಕೆಯನ್ನು ಬಿಡುಗಡೆ ಮಾಡಿದರು. 

ನಂತರ ಮಾತನಾಡಿದ ಸಚಿವ ಎನ್‌.ಮಹೇಶ್‌, ‘ಶೋಷಿತ ಸಮುದಾಯದ ತಳಹದಿಯನ್ನು ಎತ್ತಿ ಹಿಡಿದಿರುವ ಮಾಧ್ಯಮ ಎಂದರೆ ಅದು ಪ್ರಜಾವಾಣಿ’ ಎಂದರು.

‘ಸುಮಾರು ವರ್ಷಗಳಿಂದ ತನ್ನದೇ ಆದ ಹಾದಿಯಲ್ಲಿ ಬೆಳೆದುಕೊಂಡು ಬಂದಿರುವ ಪತ್ರಿಕೆ, ಜಾತಿ ಭೇದವಿಲ್ಲದೆ ಪಕ್ಷಪಾತ ಮಾಡದೇ ಎಲ್ಲರೂ ಒಂದೇ ಎಂಬ ಮನೋಭಾವದಿಂದ ಜನರನ್ನು ಕಾಣುತ್ತಿದೆ. ತುಳಿತಕ್ಕೆ ಒಳಗಾಗಿರುವವರನ್ನು ನ್ಯಾಯದ ಪಥಕ್ಕೆ ಕರೆದುಕೊಂಡು ಹೋಗಿ ನ್ಯಾಯವನ್ನು ದೊರಕಿಸಿ ಕೊಡುವ ಅದರ ಪ್ರಯತ್ನ ಶ್ಲಾಘನೀಯ. ನನ್ನ 20 ವರ್ಷಗಳ ರಾಜಕೀಯ ಜೀವನ ಹಾಗೂ ಹೋರಾಟ ಹಾದಿಯನ್ನು ಗುರುತಿಸಿರುವ ಪತ್ರಿಕೆ ಪ್ರಜಾವಾಣಿ’ ಎಂದು ಅವರು ಮೆಚ್ಚುಗೆ ಸೂಚಿಸಿದರು.

ಪತ್ರಿಕೆಗೆ ಶುಭಹಾರೈಸಿ ಮಾತನಾಡಿದ ಸ್ವಾಮೀಜಿ, ‘ರಾಜ್ಯದಾದ್ಯಂತ ಉತ್ತಮ ಮಾಹಿತಿಗಳನ್ನು, ಸುದ್ದಿಗಳನ್ನು ಜನಸಾಮಾನ್ಯರಿಗೆ ತಲುಪಿಸುವ ಕೆಲಸವನ್ನು ಮಾಡುತ್ತಾ ಬಂದಿದೆ. ಚಿಂತನೆಗೆ ಹಚ್ಚುವ ವರದಿ, ಲೇಖನಗಳ ಮೂಲಕ ಓದುಗರ ಪ್ರೀತಿಯನ್ನು ಗಳಿಸಿರುವ ಪತ್ರಿಕೆ ಎಲ್ಲ ಪುಟಗಳು ವರ್ಣರಂಜಿತವಾಗಿ ಮೂಡಿಬರುವುದು ಸಂತೋಷದ ವಿಚಾರ’ ಎಂದರು.

ಹೊಸತನ ನೀಡುವುದೇ ಪ್ರಜಾವಾಣಿ ವಿಶೇಷತೆ

‘ಓದುಗರಿಗೆ ಸದಾ ಹೊಸತನ್ನು ನೀಡುವುದೇ ಪ್ರಜಾವಾಣಿ ವಿಶೇಷತೆ. 30 ವರ್ಷಗಳಿಂದ ಪತ್ರಿಕೆ ಓದುಗನಾಗಿದ್ದೇನೆ. ಅಂದಿನಿಂದಲೂ ತನ್ನ ವೈಶಿಷ್ಟ್ಯದ ಮೂಲಕ ಓದುಗರ ಅಭಿರುಚಿಗೆ ತಕ್ಕಂತೆ ಪತ್ರಿಕೆ ಮೂಡಿಬರುತ್ತಿದೆ. ತನ್ನ ಸುದ್ದಿ ವೈಶಿಷ್ಟ್ಯದ ಮೂಲಕ ಅಪಾರ ಓದುಗರ ಬಳಗ ಹೊಂದಿರುವ ಪ್ರಜಾವಾಣಿ, ತನ್ನ ಬಣ್ಣದ ಪುಟಗಳಿಂದ ಮತ್ತಷ್ಟು ಓದುಗರನ್ನು ತನ್ನ ತೆಕ್ಕೆಗೆ ತೆಗೆದುಕೊಳ್ಳಲಿ’ ಎಂದು ಚನ್ನಾಲಿಂಗನಹಳ್ಳಿಯ ಜೇತಾವನ ಬುದ್ಧ ವಿಹಾರದ ಮನೋರಕ್ಖಿತ ಬಂತೇಜಿ ಹಾರೈಸಿದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 1

    Frustrated
  • 0

    Angry

Comments:

0 comments

Write the first review for this !