ಪಣಜಿ: ವಿಶ್ವಪರ್ಯಟನೆ ಮುಗಿಸಿ ಎಂಟು ತಿಂಗಳ ಬಳಿಕ ಮರಳಿದ ಭಾರತೀಯ ನೌಕಾ ದಳದ ಮಹಿಳಾ ಸಿಬ್ಬಂದಿಯನ್ನು ರಕ್ಷಣಾ ಸಚಿವೆ ನಿರ್ಮಲಾ ಸೀತಾರಾಮನ್‌, ನೌಕಾಪಡೆಯ ಮುಖ್ಯಸ್ಥ ಅಡ್ಮಿರಲ್ ಸುನಿಲ್ ಲಾಂಬಾ ಗೋವಾದಲ್ಲಿ ಸ್ವಾಗತಿಸಿದರು.
‘ನಾವಿಕ್‌ ಸಾಗರ್‌ ಪರಿಕ್ರಮ’ಕ್ಕೆ ಪಣಜಿ ಸಮೀಪದ ಐಎನ್‌ಎಸ್‌ ಮಾಂಡೊವಿ ಹಡಗು ಕಟ್ಟೆ ಸಮೀಪದಿಂದ 2017ರ ಸೆ.10ರಂದು ಚಾಲನೆ ನೀಡಲಾಗಿತ್ತು.
ಲೆಫ್ಟಿನೆಂಟ್ ಕಮಾಂಡರ್‌ಗಳಾದ ಪ್ರತಿಭಾ ಜಾಮ್ವಾಲ್ ಮತ್ತು ಸ್ವಾತಿ.ಪಿ ಮತ್ತು ಲೆಫ್ಟಿನೆಂಟ್ ಐಶ್ವರ್ಯಾ ಬೊಡ್ಡಪತಿ, ಎಸ್. ವಿಜಯಾ ದೇವಿ ಮತ್ತು ಪಾಯಲ್ ಗುಪ್ತಾ ಅವರು ಲೆಫ್ಟಿನೆಂಟ್ ಕಮಾಂಡರ್ ವರ್ತಿಕಾ ಜೋಶಿ ಅವರ ನೇತೃತ್ವದಲ್ಲಿ ನೌಕೆಯಲ್ಲಿ ಪ್ರಯಾಣ ಬೆಳೆಸಿದ್ದರು.
ಕಳೆದ ವರ್ಷದ ಫೆಬ್ರುವರಿ 18ರಂದು ಭಾರತೀಯ ನೌಕಾಪಡೆ ಸೇರಿದ ‘ಐಎನ್‌ಎಸ್‌ವಿ ತಾರಿಣಿ’ ಎಂಬ 55 ಅಡಿ ಎತ್ತರದ ದೋಣಿಯಲ್ಲಿ ಈ ಪ್ರವಾಸ ಕೈಗೊಂಡಿದ್ದರು.
