ಆತ್ಮಾಭಿಮಾನ ಬೆಳೆಯಲಿ

ಮುಂದುವರೆದು ನಾನಾದರೋ ಚನ್ನಮಲ್ಲಿಕಾರ್ಜುನ ಎಂಬ ಶಿವಪರಮಾತ್ಮನಿಗೆ ಒಲಿದ ಆತ್ಮಳಾಗಿದ್ದೇನೆ. ಈ ಕಾಯ ಕರ್ರಗಿರಲಿ, ಮಿರ್ರನೆ ಮಿಂಚುತಿರಲಿ ಕಾಯ ತಾತ್ಕಾಲಿಕ. ಕಾಯಭಾವ ಬೇಡವೆಂದು ಆತ್ಮಜ್ಞಾನ ಹೇಳುತ್ತಾಳೆ.

ಎಮ್ಮೆಗೊಂದು ಚಿಂತೆ, ಸಮಗಾರನಿಗೊಂದು ಚಿಂತೆ, ಎಮ್ಮೆಗೆ ಹುಲ್ಲು ಮೆಯುವ ಚಿಂತೆ, ಸಮಗಾರನಿಗೆ ಎಮ್ಮೆಯ ಚರ್ಮ ಸುಲಿದುಕೊಳ್ಳುವ ಚಿಂತೆ. ಹೀಗೆ ಅಕ್ಕಮಹಾದೇವಿಗೆ ಪರಮಾತ್ಮನ ಚಿಂತೆ. ಕೌಶಿಕ ಮಹಾರಾಜನಿಗೆ ಅಕ್ಕಮಹಾದೇವಿಯ ಚರ್ಮ ಸವಿಯು ಚಿಂತೆ, ದೇಹಾಭಿನಾ ಬಂದು ಬಿಟ್ಟರೆ ಎಲ್ಲರೂ ಚರ್ಮದ ಬಲೆಯಲ್ಲಿ ಬಿದ್ದು ಬಿಡುತ್ತಾರೆ.

ಚರ್ಮಾಭಿಮಾನವನ್ನು ಅಳಿದು ಆತ್ಮಾಭಿಮಾನದಲ್ಲಿ ಬೆಳೆದ ಶರಣರು ವಿಶ್ವಭಾತೃತ್ವದ ಸದ್ಭಾವನೆಯನ್ನು ಬೆಳೆಸಿಕೊಂಡಿದ್ದಾರೆ.