32 ಗ್ರಾ.ಪಂ ಬಹಿರ್ದೆಸೆ ಮುಕ್ತಕ್ಕೆ ಕ್ರಮ: ಪಿಡಿಒ

7

32 ಗ್ರಾ.ಪಂ ಬಹಿರ್ದೆಸೆ ಮುಕ್ತಕ್ಕೆ ಕ್ರಮ: ಪಿಡಿಒ

Published:
Updated:
Deccan Herald

ಕುದೂರು(ಮಾಗಡಿ): ಗ್ರಾಮೀಣ ಭಾಗದ ಶೌಚಾಲಯ ಮತ್ತು ಒಳಚರಂಡಿ ಸ್ವಚ್ಛಗೊಳಿಸಲು 14ನೇ ಹಣಕಾಸು ಯೋಜನೆಯಡಿ ಒಂದು ಸಕ್ಕಿಂಗ್‌ ಯಂತ್ರ ಖರೀದಿಸಲಾಗುವುದು ಎಂದು ತಾಲ್ಲೂಕು ಪಂಚಾಯಿತಿ ಇಒ ಚಂದ್ರು ತಿಳಿಸಿದರು.

ಕುದೂರು ಗ್ರಾಮ ಪಂಚಾಯಿತಿ ಮುಂದೆ ರಸ್ತೆಯ ಮೇಲೆ ಹರಿಯುತ್ತಿದ್ದ ಒಳಚರಂಡಿಯ ಕಲುಷಿತದ ಬಗ್ಗೆ ಸಾರ್ವಜನಿಕರ ದೂರಿನ ಅನ್ವಯ ಗ್ರಾಮಕ್ಕೆ ಶುಕ್ರವಾರ ಭೇಟಿ ನೀಡಿ ಪರಿಶೀಲಿಸಿ ಅವರು ಮಾತನಾಡಿದರು.

ಜಿಲ್ಲೆಯನ್ನು ಸ್ವಚ್ಛಗ್ರಾಮ ಯೋಜನೆ ಎಂದು ಘೋಷಿಸಲಾಗಿದೆ. ತಾಲ್ಲೂಕಿನ 32 ಗ್ರಾಮ ಪಂಚಾಯಿತಿಗಳ ವ್ಯಾಪ್ತಿಯಲ್ಲಿ ಬಯಲು ಬಹಿರ್ದೆಸೆಗೆ ಅಂತ್ಯ ಹಾಡಲಾಗುತ್ತಿದೆ ಎಂದರು.

ಶೌಚಾಲಯದ ಕಲುಷಿತ ರಸ್ತೆಯ ಮೇಲೆ ಹರಿಯದಂತೆ ಕ್ರಮಕೈಗೊಳ್ಳಲು ಪಿಡಿಒಗಳು ಸೂಕ್ರ ಕ್ರಮ ಕೈಗೊಂಡಿದ್ದಾರೆ. ಕುದೂರಿನಲ್ಲಿ ಪೊಲೀಸ್‌ ಠಾಣೆ ಮತ್ತು ಗ್ರಾಮ ಪಂಚಾಯಿತಿ ಕಚೇರಿಯ ಮುಂದೆ ಒಳಚರಂಡಿ ಚೇಂಬರ್‌ ಕಟ್ಟಿಕೊಂಡು ರಸ್ತೆಯ ಕಲುಷಿತ ಹರಿಯುತ್ತಿದೆ ಎಂದು ಸಾರ್ವಜನಿಕರು ಮನವಿ ಮಾಡಿದ್ದರು.

ಒಳಚರಂಡಿಯ ಕಲುಷಿತವನ್ನು ತೆರೆದ ಚರಂಡಿಗೆ ಹರಿಯ ಬಿಡದಂತೆ ಎಚ್ಚರಿಕೆ ನೀಡಲಾಗಿದೆ. ಪರಿಸರ ಮತ್ತು ನೈರ್ಮಲ್ಯ ರಕ್ಷಣೆಯ ಎಲ್ಲರ ಹೊಣೆ ಎಂಬುದನ್ನು ಮರೆಯಬಾರದು ಎಂದರು.

ಗ್ರಾಮಪಂಚಾಯಿತಿ ಅಧ್ಯಕ್ಷ ರಾಘವೇಂದ್ರ ಮಾತನಾಡಿ, ಹಿಂದೆ ಒಳಚರಂಡಿ ಮಾಡುವಾಗ ಸರಿಯಾಗಿ ಇಳಿಜಾರು ಮಾಡಿಲ್ಲ. ಕಳಪೆ ಕಾಮಗಾರಿಯಿಂದಾಗಿ ಈಗ ಸಮಸ್ಯೆ ಎದುರಾಗಿದೆ. ಜನತೆಗೆ ಅನುಕೂಲ ಮಾಡಿಕೊಡಲಾಗುವುದು ಎಂದರು.

ನರೇಗಾ ಅಧಿಕಾರಿ ನವಿನ್‌ ಕುಮಾರ್‌, ಪಿಡಿಒ ಗಂಗಯ್ಯ, ಗ್ರಾಮ ಪಂಚಾಯಿತಿ ಸದಸ್ಯರು ಇದ್ದರು. ಯಂತ್ರದ ಸಹಾಯದಿಂದ ಒಳಚರಂಡಿ ಸ್ವಚ್ಛಗೊಳಿಸಲಾಯಿತು.

ಕಳೆದ ಒಂದು ವಾರದಿಂದ ಮುಖ್ಯರಸ್ತೆಯಲ್ಲಿ ಹರಿಯುತ್ತಿದ್ದ ಒಳಚರಂಡಿಯನ್ನು ದುರಸ್ತಿಗೊಳಿಸಿದ  ಗ್ರಾಮ ಪಂಚಾಯಿತಿ ಅಧಿಕಾರಿಗಳ ಕ್ರಮ ಸ್ಮರಣೀಯವಾಗಿದೆ ಎಂದು ಗ್ರಾಮಸ್ಥರು ತಿಳಿಸಿದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !