ಅಕ್ಟೋಬರ್‌ನಲ್ಲಿ ಜನ್ಮಶತಮಾನೋತ್ಸವ ಆಚರಣೆ

7
ಸತ್ಯಕಾಮರ ಕೃತಿಗಳ ನಾಲ್ಕು ಸಮಗ್ರ ಸಂಪುಟ ಹೊರತರಲು ಪ್ರತಿಷ್ಠಾನದ ಸಿದ್ಧತೆ

ಅಕ್ಟೋಬರ್‌ನಲ್ಲಿ ಜನ್ಮಶತಮಾನೋತ್ಸವ ಆಚರಣೆ

Published:
Updated:
Deccan Herald

ಕಲ್ಲಳ್ಳಿ (ಬಾಗಲಕೋಟೆ): ‘ಸಾಹಿತಿ ಸತ್ಯಕಾಮರ ಜನ್ಮ ಶತಮಾನೋತ್ಸವ ಅಕ್ಟೋಬರ್ ತಿಂಗಳಲ್ಲಿ ಆಚರಿಸಲು ಸಿದ್ಧತೆ ನಡೆಸಲಾಗಿದೆ. ಈ ವೇಳೆ ಅವರ ಸಮಗ್ರ ಕೃತಿಗಳನ್ನು ಒಳಗೊಂಡ ನಾಲ್ಕು ಸಂಪುಟಗಳನ್ನು ಪ್ರಕಟಿಸಲು ನಿರ್ಧರಿಸಲಾಗಿದೆ’ ಎಂದು ಸತ್ಯಕಾಮ ಪ್ರತಿಷ್ಠಾನದ ಸಂಚಾಲಕಿ ವೀಣಾ ಬನ್ನಂಜೆ ಹೇಳಿದರು.

ದಿವಂಗತ ಸತ್ಯಕಾಮರ ಸ್ವಗ್ರಾಮ ಜಮಖಂಡಿ ತಾಲ್ಲೂಕಿನ ಕಲ್ಲಳ್ಳಿಯ ’ಸುಮ್ಮನೆ’ ಆವರಣದಲ್ಲಿ ಸೋಮವಾರ ‘ಪ್ರಜಾವಾಣಿ’ಯೊಂದಿಗೆ ಮಾತನಾಡಿದ ಅವರು, ಇಲ್ಲಿಯವರೆಗೆ ಸತ್ಯಕಾಮರ 37 ಕೃತಿಗಳು ಪ್ರಕಟವಾಗಿವೆ. ಅವುಗಳನ್ನು ಸಮಗ್ರ ಸಂಪುಟದಲ್ಲಿ ಸೇರಿಸುವ ಚಿಂತನೆ ನಡೆಸಲಾಗಿದೆ ಎಂದರು.

ನಾಲ್ಕು ಸಂಪುಟ ಮುದ್ರಿಸಲು ₹12 ಲಕ್ಷ ತಗಲುವ ನಿರೀಕ್ಷೆ ಇದ್ದು, ಅದಕ್ಕೆ ಕನ್ನಡ ಮತ್ತು ಸಂಸ್ಕ್ರತಿ ಇಲಾಖೆ ಅನುದಾನ ಕೋರಲು ಉದ್ದೇಶಿಸಲಾಗಿದೆ ಎಂದರು.

ಪ್ರತಿಷ್ಠಾನದ ಅಧ್ಯಕ್ಷ ಬಿ.ಎಲ್.ಶಂಕರ್ ನೇತೃತ್ವದಲ್ಲಿ ಶೀಘ್ರ ಸಚಿವೆ ಜಯಮಾಲಾ ಅವರನ್ನು ಭೇಟಿ ಮಾಡಿ ಸಮಗ್ರ ಸಂಪುಟ ಮುದ್ರಣದ ಬೇಡಿಕೆ ಸಲ್ಲಿಸಲಾಗುವುದು. ಅಕ್ಟೋಬರ್ 19 ಹಾಗೂ 20 ಕ್ಕೆ ಸತ್ಯಕಾಮರ ಜನ್ಮ ಶತಮಾನೋತ್ಸವ ಆಚರಿಸಲು ಉದ್ದೇಶಿಸಲಾಗಿದೆ. ಕಾರ್ಯಕ್ರಮದ ರೂಪುರೇಷೆ ಸಿದ್ಧಪಡಿಸಲಾಗುವುದು ಎಂದರು.

‘ಸತ್ಯದ ಶೋಧ  ಸತ್ಯಕಾಮರ ಬದುಕಿನ ಧ್ಯೇಯವಾಗಿತ್ತು. ಈಗಿರುವುದು ಕಡಿಮೆ. ಇನ್ನೂ ಬೇಕು, ಅದು ಎಲ್ಲೋ ಇದೆ ಎಂದು ಹುಡುಕುತ್ತಾ ಹಿಮಾಲಯದ ತಪ್ಪಲಿನವರೆಗೆ ಹೋಗಿ ತಂತ್ರದ ಸಕಲ ಜ್ಞಾನವನ್ನು ಅರಗಿಸಿಕೊಂಡರು. ಅಂತಿಮವಾಗಿ ಅದನ್ನು ತ್ಯಜಿಸಿದ ಅಪರೂಪದ ವ್ಯಕ್ತಿ ಸತ್ಯಕಾಮರು’ ಎಂದರು.

ಸತ್ಯಕಾಮರ ಆಶಯಗಳನ್ನು ಸುಮ್ಮನೆಯಲ್ಲಿ ಸಾಕಾರಗೊಳಿಸಲಾಗುತ್ತಿದೆ. ಯಾವುದಕ್ಕೂ ಯೋಜನೆ ರೂಪಿಸುವುದಿಲ್ಲ. ಬದಲಿಗೆ ಎಲ್ಲವೂ ತನ್ನಷ್ಟಕ್ಕೆ ತಾನೇ ಕೈಗೂಡುತ್ತದೆ. ಇದೆ ಅವರ ಇರುವಿಕೆಯ ಹೆಗ್ಗುರುತು ಎಂದು ಹೇಳಿದರು.

‘ಸತ್ಯಕಾಮರ ಆಪ್ತ ಅಪಣ್ಣ ನಂದಗಾವ್ ಸುಮ್ಮನೆ ಆವರಣಕ್ಕೆ ಹೊಂದಿಕೊಂಡಿರುವ ಮೂರು ಎಕರೆ ಜಮೀನನ್ನು ತಂತ್ರ ಶಾಲೆ ಸ್ಥಾಪನೆಗೆ ನೀಡಲು ಮುಂದಾಗಿದ್ದಾರೆ. ಮುಂದಿನ ದಿನಗಳಲ್ಲಿ ಅದೂ ಕಾರ್ಯಗತಗೊಳ್ಳಲಿದೆ’ ಎಂದು ವೀಣಾ ಹೇಳಿದರು.

ಸತ್ಯಕಾಮರ ಸಹೋದರ ವಸಂತ ಶಹಾಪೂರಕರ, ಪವನ, ಡಾ.ಶಿವು ಬ್ಯಾಕೊಡ ಉಪಸ್ಥಿತರಿದ್ದರು.

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !