ಕೆರೂರ | ಬಾಡಿಗೆ ಬಾಕಿ ಉಳಿಸಿಕೊಂಡ ವಾಣಿಜ್ಯ ಮಳಿಗೆ ಮಾಲೀಕರು

ಪಟ್ಟಣ ಪಂಚಾಯಿತಿ ಮುಖ್ಯಾಧಿಕಾರಿ ರಮೇಶ ಮಾಡಬಾಳ, ಕಾರ್ಯಾಲಯದಲ್ಲಿ ವಾಣಿಜ್ಯ ಮಳಿಗೆಗಳ ಮಾಲೀಕರೊಂದಿಗೆ ಬಾಕಿ ತೆರಿಗೆ ಪಾವತಿ ಮಾಡುವ ಕುರಿತು ಶನಿವಾರ ತುರ್ತು ಸಭೆ ನಡೆಸಿ, ಬಾಕಿ ತೆರಿಗೆ ಮೊತ್ತ ಪಾವತಿಗೆ ಒಂದು ವಾರದ ಗಡುವು ನೀಡಿದ್ದಾರೆ.

ಸ್ಥಳೀಯ ಪಟ್ಟಣ ಪಂಚಾಯಿತಿ ವ್ಯಾಪ್ತಿಯಲ್ಲಿ ಬರುವ ಮುಖ್ಯ ಬಜಾರನಲ್ಲಿರುವ 27 ವಾಣಿಜ್ಯ ಮಳಿಗೆಗಳ ₹25 ಲಕ್ಷಕ್ಕೂ ಅಧಿಕ ಬಾಕಿ ತೆರಿಗೆ ವಸೂಲಾತಿಗೆ ಮುಂದಾಗಿದ್ದಾರೆ.

‘ವಾರದೊಳಗೆ ತೆರಿಗೆ ಪಾವತಿ ಮಾಡದೆ ಇದ್ದಲ್ಲಿ ನೋಟಿಸಿ ನೀಡಿ ಜಪ್ತಿ ಮಾಡಲಾಗುವುದು’ ಎಂದು  ಮುಖ್ಯಾಧಿಕಾರಿ ಎಚ್ಚರಿಕೆ ನೀಡಿದ್ದಾರೆ.

‘ವಾಣಿಜ್ಯ ಮಳಿಗೆಗಳ ಟೆಂಡರ್‌ ಅವಧಿ ಕೂಡಾ ಮುಕ್ತಾಯವಾಗಿದ್ದು, ಸರ್ಕಾರದ ನಿಯಮದಂತೆ ಹೊಸ ಟೆಂಡರ್‌ ಅಥವಾ ಹೊಸ ಬಹುಮಹಡಿ ಕಟ್ಟಡ ನಿರ್ಮಾಣಕ್ಕೆ ಕ್ರಿಯಾ ಯೋಜನೆ ಸಿದ್ದಪಡಿಸಲಾಗುವುದು’ ಎಂದು ಹೇಳಿದರು.