2009ರಿಂದ ಇಲ್ಲಿಯವರೆಗೆ ಅತಿ ಹೆಚ್ಚು ಬೆಲೆ ಈ ಬಾರಿ ಈರುಳ್ಳಿಗೆ ದೊರೆತಿದೆ. ಈ ವರ್ಷ ಅಕ್ಟೋಬರ್ 1ರಿಂದ ಡಿಸೆಂಬರ್ 12ರವರೆಗೆ ಬಾಗಲಕೋಟೆ ಎಪಿಎಂಸಿಗೆ ಒಟ್ಟು 71,006 ಕ್ವಿಂಟಲ್ ಈರುಳ್ಳಿ ಆವಕಗೊಂಡಿದೆ. ಕನಿಷ್ಠ ₹300ರಿಂದ ಗರಿಷ್ಠ ₹12,000ಕ್ಕೆ ಮಾರಾಟವಾಗಿದೆ. ಇದೇ ಅವಧಿಯಲ್ಲಿ ಜಮಖಂಡಿ ಮಾರುಕಟ್ಟೆಯಲ್ಲಿ ಕ್ವಿಂಟಲ್ಗೆ ಗರಿಷ್ಠ ₹12,500ಕ್ಕೆ ಮಾರಾಟವಾಗಿದೆ. ಬಾಗಲಕೋಟೆ ಮಾರುಕಟ್ಟೆಯಲ್ಲಿ 2013ರಲ್ಲಿ ಕ್ವಿಂಟಲ್ಗೆ ₹4950 ದೊರೆತದ್ದೇ ಇಲ್ಲಿಯವರೆಗೆ ಮಾರುಕಟ್ಟೆಯಲ್ಲಿ ಗರಿಷ್ಠ ಬೆಲೆ ಆಗಿತ್ತು. ಆಗ ಮಾರುಕಟ್ಟೆಗೆ ಒಟ್ಟು 77,678 ಕ್ವಿಂಟಲ್ ಆವಕಗೊಂಡಿತ್ತು.