ಗುಳೇದಗುಡ್ಡ: ತಾಲ್ಲೂಕಿನ ಚಿಮ್ಮಲಗಿ ಗ್ರಾಮದ ಸಂಗೊಳ್ಳಿ ರಾಯಣ್ಣ ಸರ್ಕಲ್ ಬ್ಯಾನರ್‌ಗೆ ಸಗಣಿ ಎರಚಿದ ಪ್ರಕರಣದ ಆರೋಪಿ ಅದೇ ಚಿಮ್ಮಲಗಿ ಗ್ರಾಮದ ಸುರೇಶ ಶಿವಾನಂದ ಪಟ್ಟದಕಲ್ ಎಂಬಾತನನ್ನು ಭಾನುವಾರ ಬಂಧಿಸಲಾಗಿದೆ ಎಂದು ಗುಳೇದಗುಡ್ಡ ಪೊಲೀಸ್ ಠಾಣೆ ಪಿಎಸ್‍ಐ ಪುಂಡಲೀಕ ಪಟಾತರ ಹೇಳಿದರು.
ಆಗಸ್ಟ್ 20ರ ರಾತ್ರಿ ಚಿಮ್ಮಲಗಿ ಗ್ರಾಮದಲ್ಲಿ ಈ ಕೃತ್ಯ ಎಸಗಿದ್ದರು. ಈ ಘಟನೆಯನ್ನು ಖಂಡಿಸಿ ಸಂಗೊಳ್ಳಿ ರಾಯಣ್ಣ ಯುವ ಘರ್ಜನೆ ಜಿಲ್ಲಾ ಹಾಗೂ ಗ್ರಾಮ ಘಟಕದ ಪದಾಧಿಕಾರಿಗಳು ಹಾಗೂ ಚಿಮ್ಮಲಗಿ ಗ್ರಾಮದ ಹಿರಿಯರು ಕಿಡಿಗೇಡಿಗಳನ್ನು ಬಂಧಿಸಲು ಪ್ರತಿಭಟನೆ ಮಾಡಿ ಸೂಕ್ತ ಕ್ರಮ ಕೈಗೊಳ್ಳಲು ಮನವಿ ಮಾಡಿದ್ದರು.
