ಹೂವಿನಹಡಗಲಿ | ಗದ್ದೆಗೆ ಬಿದ್ದ ಬಸ್: ಪ್ರಯಾಣಿಕರು ಪಾರು

ಮುಂಡರಗಿ ಕಡೆಯಿಂದ ಹೂವಿನಹಡಗಲಿಗೆ ಬರುತ್ತಿದ್ದ ಬಸ್, ಚಾಲಕನ ನಿಯಂತ್ರಣ ತಪ್ಪಿ ರಸ್ತೆ ಪಕ್ಕದ ಗದ್ದೆಗೆ ಇಳಿದಿದೆ. ಚಾಲಕ ಸೇರಿ ಆರು ಜನರಿಗೆ ಸಣ್ಣಪುಟ್ಟ ಗಾಯಗಳಾಗಿದ್ದು, ಪಟ್ಟಣದ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದಿದ್ದಾರೆ. ಪ್ರಯಾಣಿಕರು ಅಪಾಯದಿಂದ ಪಾರಾಗಿದ್ದಾರೆ.

‘ಚಾಲಕ ಯಲ್ಲನಗೌಡ ಪಾಟೀಲ್ ಅವರ ಅತೀವೇಗ ಮತ್ತು ಅಜಾಗರೂಕತೆಯ ಚಾಲನೆಯಿಂದ ಅಪಘಾತ ಸಂಭವಿಸಿದ್ದು, ಚಾಲಕನ ವಿರುದ್ದ ಕ್ರಮ ಜರುಗಿಸಿ’ ಎಂದು ಕಾಗನೂರು ಗ್ರಾಮದ ಪ್ರಯಾಣಿಕ ಎಚ್.ಪಿ.ಕೃಷ್ಣಪ್ಪ ಪೊಲೀಸರಿಗೆ ದೂರು ನೀಡಿದ್ದಾರೆ. ಪಟ್ಟಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.