ಬಳ್ಳಾರಿ | ಗಾಳಿ‌ ಸಹಿತ ಮಳೆ: ಮೆಕ್ಕೆಜೋಳ ಬೆಳೆ ಹಾನಿ

ರಾತ್ರಿ 9.55ರಿಂದ ಆರಂಭಗೊಂಡ ಮಳೆಯ ಜೊತೆಗೆ ಭಾರೀ ಗಾಳಿ ಬೀಸಿದೆ. ಸುಮಾರು ಅರ್ಧಗಂಟೆ ಮಳೆ ಬಂದಿದ್ದು ಈಗ ತಾನೇ ತೆನೆ ಬಿಟ್ಟ ಮೆಕ್ಕೆಜೋಳ ನೆಲಕ್ಕುರುಳಿದೆ.

ಕೃಷ್ಣಾನಗರದ ಕುರುಬರ ಶಂಕ್ರಮ್ಮ, ಮುದುಕಪ್ಪನವರ ಕುಮಾರಸ್ವಾಮಿ, ಹರಿಜನ ಕೆಂಚಪ್ಪ, ಕರಿಲಿಂಗಪ್ಪ, ಪುಣ್ಯೋಜಿ ರಾವ್, ದೊಡ್ಡ ಚಿನ್ನೂರಪ್ಪ, ಸುಶೀಲಮ್ಮ ಸೇರಿದಂತೆ ಹಲವರ ಜಮೀನುಗಳಿಗೆ ಹಾನಿಯಾಗಿದೆ.

ಕೃಷ್ಣಾನಗರ ಗ್ರಾಮ ಲೆಕ್ಕಾಧಿಕಾರಿ ಭುವನೇಶ್ವರಿ ಹಾನಿಗೊಳಗಾದ‌ ಜಮೀನುಗಳಿಗೆ ಭೇಟಿ ನೀಡಿ ಪರಿಶೀಲಿಸಿದ್ದಾರೆ.

ಸಂಡೂರು ಹೋಬಳಿಯಲ್ಲಿ 2.1 ಸೆಂ.ಮೀ, ಚೋರನೂರು ಹೋಬಳಿಯಲ್ಲಿ 1.5 ಸೆಂ.ಮೀ ಮಳೆ ದಾಖಲಾಗಿದೆ.