ಬಳ್ಳಾರಿ | ತುಂಗಭದ್ರಾ ಜಲಾಶಯದ ಹಿನ್ನೀರು ಪ್ರದೇಶಕ್ಕೆ ಪ್ರವಾಸಿಗರ ದಂಡು

ತುಂಗಭದ್ರಾ ಜಲಾಶಯದ ಕ್ರಸ್ಟ್‌ಗೇಟ್ ಆವಾಂತರದಿಂದಾಗಿ ಜಲಾಶಯದ ವೀಕ್ಷಣೆಗೆ ಸಾರ್ವಜನಿಕರನ್ನು ಹಾಗೂ ಪ್ರವಾಸಿಗರಿಗೆ ನಿಬಂರ್ಧ ಹೇರಿರುವ ಕಾರಣ ಗುಂಡಾ ಫಾರೆಸ್ಟ್ ಬಳಿಯ ಹಿನ್ನೀರು ಪ್ರದೇಶ ನೋಡಲು ಪ್ರವಾಸಿಗರು ಹೆಚ್ಚಿನ ಸಂಖ್ಯೆಯಲ್ಲಿ ಬಂದರು.

ಐದು ದಿನದ ಹಿಂದೆ ವಿಶಾಲವಾದ ಹಿನ್ನೀರ ಪ್ರದೇಶದಲ್ಲಿನ ಜಲರಾಶಿ ದಾರಿಹೋಕರನ್ನು ತನ್ನತ್ತ ಸೆಳೆಯುತ್ತಿತ್ತು. ಅಲ್ಲದೆ ಹೆದ್ದಾರಿ ಬದಿ ನಿಂತು ನೋಡುವ ನೋಡುಗರ ಸಂಖ್ಯೆಯೂ ಹೆಚ್ಚಿತ್ತು.

ಪಕ್ಕದಲ್ಲೇ ಇರುವ ಗುಂಡಾ ಸಸ್ಯೋದ್ಯಾನಕ್ಕೆ ಸಾವಿರಕ್ಕೂ ಹೆಚ್ಚು ಹಿರಿಯರು, ಮಕ್ಕಳು ಸೇರಿದಂತೆ ಮಹಿಳೆಯರು ಭೇಟಿ ನೀಡಿದ್ದರು. ಹಿರಿಯರಿಗೆ ₹20 ಹಾಗೂ ಮಕ್ಕಳಿಗೆ ₹10 ಶುಲ್ಕ ನಿಗದಿ ಮಾಡಿರುವುದರಿಂದ ಬೆಳಿಗ್ಗೆ 9 ರಿಂದ ಸಂಜೆ 5ರವರೆಗೆ ಒಟ್ಟು ₹18 ಸಾವಿರ ಶುಲ್ಕ ಸಂಗ್ರಹವಾಗಿದೆ ಎಂದು ಅರಣ್ಯ ಇಲಾಖೆ ಸಿಬ್ಬಂದಿ ತಿಳಿಸಿದರು. ಸ್ಥಳದಲ್ಲಿ ಪೊಲೀಸ್ ಸಿಬ್ಬಂದಿಯನ್ನು ನಿಯೋಜಿಸಲಾಗಿತ್ತು.