ಜಿಲ್ಲೆಯಲ್ಲಿ 22 ಮದ್ಯವರ್ಜನ ಶಿಬಿರ: ಅಕ್ಷತಾ

ಇಲ್ಲಿನ ಶ್ರೀಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಆಡಳಿತ ಕಚೇರಿ ಮುಂಭಾಗ ಮದ್ಯಪಾನ ವ್ಯಸನ ಮುಕ್ತರಾದ ಕುಟುಂಬಗಳಿಗೆ ಶ್ರೀಕ್ಷೇತ್ರ ಧರ್ಮಸ್ಥಳದಲ್ಲಿ ಫೆ.11 ರಂದು ನಡೆಯಲಿರುವ ನವಜೀವನಕ್ಕೆ ಕಾಲಿಟ್ಟ ವ್ಯಸನಮುಕ್ತ ಸಾಧಕರ ಸಮಾವೇಶ ಮತ್ತು ಶತದಿನೋತ್ಸವ ಕಾರ್ಯಕ್ರಮಕ್ಕೆ ತೆರಳಲು ಹಸಿರು ನಿಶಾನೆ ಕೋರಿದ ನಂತರ ಮಾಹಿತಿ ನೀಡಿದರು.

ಪ್ರಸ್ತುತ 250 ಮದ್ಯ ವ್ಯಸನ ಮುಕ್ತರು ಜಿಲ್ಲೆಯಿಂದ ತೆರಳುತ್ತಿದ್ದು ಅವರಿಗೆಲ್ಲರಿಗೂ ವ್ಯಸನ ಮುಕ್ತ ಪ್ರಮಾಣ ಪತ್ರ ನೀಡಲಾಗುತ್ತಿದೆ. ಕುಡಿದ ಅಮಲಿನಲ್ಲಿ ಯಾವ ರೀತಿ ಆರ್ಥಿಕ ನಷ್ಟ, ವಿವಿಧ ರೋಗಗಳ ಬಾಧೆ, ಸಮಾಜ ನೋಡುವ ರೀತಿ ಈಗ ಅರ್ಥವಾಗಿದೆ ಎಂದು ಹೇಳಿದರು.

ಜಿಲ್ಲೆಯಲ್ಲಿ ಈವರೆಗೆ 13,052ಮಹಿಳಾ ಸ್ವಸಹಾಯ ಸಂಘಗಳನ್ನು ರಚಿಸಲಾಗಿದೆ. 1.3 ಲಕ್ಷ ಸಂಘದಲ್ಲಿ ಸಕ್ರಿಯ ಸದಸ್ಯರಿದ್ದಾರೆ. ದೇವನಹಳ್ಳಿ ತಾಲ್ಲೂಕಿನಲ್ಲಿ 28 ಸಾವಿರ ಸದಸ್ಯರಿದ್ದಾರೆ. ಸಾಮಾಜಿಕ, ಆರ್ಥಿಕ, ಧಾರ್ಮಿಕ ಸಮಾನತೆ ಸಿಗಬೇಕು ಎಂಬ ದೃಢ ಸಂಕಲ್ಪವನ್ನಿಟ್ಟುಕೊಂಡು ಗ್ರಾಮಾಭಿವೃದ್ಧಿ ಯೋಜನೆಗೆ ಹೆಚ್ಚಿನ ಒತ್ತು ನೀಡಲಾಗುತ್ತಿದೆ ಎಂದು ಹೇಳಿದರು.