ಚಪ್ಪರದಹಳ್ಳಿ 500 ವರ್ಷಗಳ ಇತಿಹಾಸ ಹೊಂದಿರುವ ಗ್ರಾಮ. ಪಕ್ಕದ ದೊಡ್ಡಬಳ್ಳಾಪುರ ತಾಲ್ಲೂಕು ಗಡಿ ಗ್ರಾಮ ಕೊನಘಟ್ಟದಿಂದ ಚಪ್ಪರದಹಳ್ಳಿವರೆಗೆ ಉತ್ತಮ ಗುಣಮಟ್ಟದ ರಸ್ತೆ ಇದೆ. ಆದರೆ,ದೇವನಹಳ್ಳಿ ತಾಲ್ಲೂಕು ವ್ಯಾಪ್ತಿಯಲ್ಲಿರುವ ಚಪ್ಪರಹಳ್ಳಿಯಿಂದ ಚಿಕ್ಕ ಓಬದೇನಹಳ್ಳಿ ಮತ್ತು ಅರುವನಹಳ್ಳಿಗೆ ಇದುವರೆಗೂ ರಸ್ತೆ ಇಲ್ಲ. ಜಿಲ್ಲಾ ಕೇಂದ್ರಕ್ಕೆ ಹತ್ತಿರವಿದ್ದರೂ ಯಾವುದೇ ಪ್ರಯೋಜನವಿಲ್ಲ. ಕುಡಿಯುವ ನೀರು, ಬೀದಿ ದೀಪ ಗ್ರಾಮಕ್ಕೆ ಮರೀಚಿಕೆಯಾಗಿಯೇ ಉಳಿದಿದೆ ಎಂದು ಗ್ರಾಮಸ್ಥರು ಬೇಸರ ವ್ಯಕ್ತಪಡಿಸುತ್ತಾರೆ.