ಸಣ್ಣ ಕಳ್ಳಿಪೀರ ಸಾಮಾನ್ಯವಾಗಿ ವಿದ್ಯುತ್ ತಂತಿಗಳ ಮೇಲೆ ಹೆಚ್ಚಾಗಿ ಕುಳಿತಿರುವುದನ್ನು ಕಾಣುತ್ತೇವೆ. ಕೀಟಗಳನ್ನು ಕಂಡ ಕೂಡಲೆ ವೇಗವಾಗಿ ಹಿಂಬಾಲಿಸಿ ಹಿಡಿಯುತ್ತದೆ. ಜೇನು ಹುಳುಗಳು ಹೋಗಿ ಬರುವ ದಾರಿಯಲ್ಲಿನ ಒಣಗಿದ ರೆಂಬೆಯ ಮೇಲೆ ಅಥವಾ ವಿದ್ಯುತ್ ತಂತಿಯ ಮೇಲೆ ಕುಳಿತು ಬೇಟೆಯಾಡುವುದೇ ಹೆಚ್ಚು ಎನ್ನುವ ವೈ.ಟಿ.ಲೋಹಿತ್, ಬೆಳೆಗಳಲ್ಲಿನ ಕೀಟ ನಿಯಂತ್ರಣದ ಕ್ರಮಗಳು, ಆಹಾರ ಸರಪಳಿಯ ಹಾಗೂ ಪರಿಸರ ವ್ಯವಸ್ಥೆಯಲ್ಲಿನ ಅಸಮತೋಲನದ ಕಾರಣದಿಂದಾಗಿ ಸಣ್ಣ ಕಳ್ಳಿಪೀರಗಳು ಕಾಣುವುದು ಕಡಿಮೆಯಾಗುತ್ತಿವೆ. ಆಕರ್ಷಕ ಹಸಿರು ಬಣ್ಣವನ್ನು ಹೊಂದಿರುವುದರಿಂದ ನೋಡಲು ತುಂಬಾ ಮನಮೋಹಕವಾಗಿದೆ ಈ ಪಕ್ಷಿ.