ದೇವನಹಳ್ಳಿ: ಮಳೆಯ ನಡುವೆ ಬಂದ್‌ ಬಹುತೇಕ ಪೂರ್ಣ

7

ದೇವನಹಳ್ಳಿ: ಮಳೆಯ ನಡುವೆ ಬಂದ್‌ ಬಹುತೇಕ ಪೂರ್ಣ

Published:
Updated:
Deccan Herald

ದೇವನಹಳ್ಳಿ: ದೇಶದ್ಯಾಂತ ಸೋಮವಾರ ಭಾರತ್ ಬಂದ್‌ಗೆ ಕಾಂಗ್ರೆಸ್ ಕರೆ ನೀಡಿದ್ದ ಹಿನ್ನೆಲೆಯಲ್ಲಿ ದೇವನಹಳ್ಳಿ ತಾಲ್ಲೂಕು ವ್ಯಾಪ್ತಿಯಲ್ಲಿ ಮಳೆಯ ನಡುವೆಯೂ ಬಹುತೇಕ ಪೂರ್ಣವಾಯಿತು.

ಬೆಳಿಗ್ಗೆ 6 ಗಂಟೆಯಿಂದ ಯಾವುದೇ ಸರಕು ಸಾಗಾಣಿಕೆ ವಾಹನ ಮತ್ತು ರಾಜ್ಯ ರಸ್ತೆ ಸಾರಿಗೆ ಹಾಗೂ ಬಿಎಂಟಿಸಿ ಬಸ್‌ ಸೇವೆ ಇರಲಿಲ್ಲ. ಒಂದೆರಡು ಖಾಸಗಿ ವಾಹನಗಳು ನಿಲ್ದಾಣದಲ್ಲಿ ಇದ್ದರೂ ಪ್ರಯಾಣಿಕರಿಲ್ಲದೆ ಬಿಕೊ ಎನ್ನುತ್ತಿತ್ತು.

ಹತ್ತಾರು ಕಿರಾಣಿ ಅಂಗಡಿ ಮತ್ತು ಹೂವಿನ ಮಾರಾಟಗಾರು ಗ್ರಾಹಕರಿಗಾಗಿ ಕಾಯುತ್ತಿದ್ದರು. ರಾಷ್ಟ್ರೀಯ ಹೆದ್ದಾರಿ 207ರ ಚಪ್ಪರಕಲ್ಲು ಕ್ರಾಸ್ ಬಳಿ ಪ್ರತಿನಿತ್ಯ ನೂರಾರು ಅಂಗಡಿ ವಹಿವಾಟು ನಡೆಸುವ ಸ್ಥಳವಾಗಿದ್ದರೂ ಯಾವುದೇ ಅಂಗಡಿಗಳು ತೆರೆಯದೆ ಒಂದೆರಡು ಚಹಾ ಅಂಗಡಿಗಳಿದ್ದವು.

ರಾಷ್ಟ್ರೀಯ ಹೆದ್ದಾರಿ ಬೆಂಗಳೂರು – ಬಳ್ಳಾರಿ ರಸ್ತೆಯಲ್ಲಿ ಬೆರಳೆಣಿಕೆಯಷ್ಟು ಸರಕು ವಾಹನಗಳು ರಸ್ತೆ ಪಕ್ಕದಲ್ಲಿ ನಿಂತಿದ್ದವು. ಬಂದ್ ಮುಂಜಾಗ್ರತಾ ಕ್ರಮವಾಗಿ ರಾಣಿಕ್ರಾಸ್, ಪ್ರವಾಸಿ ಮಂದಿರ, ಹಳೇ ಮತ್ತು ಹೊಸ ಬಸ್ ನಿಲ್ದಾಣ, ಗಿರಿಯಮ್ಮ ವೃತ್ತ, ತಾಲ್ಲೂಕು ಆಡಳಿತ ಕಚೇರಿ ಸಂಕೀರ್ಣ, ಬೈಪಾಸ್ ರಸ್ತೆ, ಆಯಕಟ್ಟಿನ ಸ್ಥಳಗಳಲ್ಲಿ ಸೂಕ್ತ ಪೊಲೀಸ್ ಬಂದೋಬಸ್ತ್ ವ್ಯವಸ್ಥೆ ಮಾಡಲಾಗಿತ್ತು. ಎರಡು ಪೊಲೀಸ್ ಜೀಪ್‌ಗಳು ನಿರಂತರ ಗಸ್ತಿನಲ್ಲಿ ಇದ್ದವು. ಯಾವುದೇ ಅಹಿತಕರ ಘಟನೆಗೆ ಅವಕಾಶವಿರಲಿಲ್ಲ.

ಬೆಳಿಗ್ಗೆ 10.30ಕ್ಕೆ ಪ್ರವಾಸಿ ಮಂದಿರದಲ್ಲಿ ಕಾಂಗ್ರೆಸ್ ಕಾರ್ಯಕರ್ತರಿಂದ ಪ್ರತಿಭಟನೆ ನಿಗದಿಯಾಗಿತ್ತು. 11 ಗಂಟೆ ಸುಮಾರಿಗೆ ತುಂತುರು ಮಳೆ ಆರಂಭಗೊಂಡು, ನಂತರ ಜೋರು ಮಳೆ ಅರ್ಧ ತಾಸಿನವರೆಗೆ ಸುರಿಯಿತು. ಮಳೆಯಲ್ಲೇ ಕಾರ್ಯಕರ್ತರು ಹಳೆ ಬಸ್ ನಿಲ್ದಾಣದ ಮೂಲಕ ಬಜಾರ್ ರಸ್ತೆಯಿಂದ ಮೆರವಣಿಗೆಯಲ್ಲಿ ಸಾಗಿ ಹಳೆ ತಾಲ್ಲೂಕು ಕಚೇರಿ ರಸ್ತೆಯಿಂದ ಹೊಸ ಬಸ್ ನಿಲ್ದಾಣದ ಬಳಿ ಸರ್ಕಾರದ ವಿರುದ್ಧ ಧಿಕ್ಕಾರದ ಘೊಷಣೆ ಕೂಗಿದರು.

ಮತ್ತೊಂದೆಡೆ ತಾಲ್ಲೂಕು ನ್ಯಾಯಾಲಯದ ಆವರಣದಲ್ಲಿ ವಕೀಲರ ಸಂಘದ ಪದಾಧಿಕಾರಿಗಳು ಪ್ರತಿಭಟನೆಗೆ ಬೆಂಬಲ ಸೂಚಿಸಿ ಕಲಾಪದಲ್ಲಿ ಪಾಲ್ಗೊಂಡರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !