ನೀಲಗಿರಿ ತೋಪಿಗೆ ಬೆಂಕಿ: ಹಾನಿ

ಮಧ್ಯಾಹ್ನ 1 ಗಂಟೆ ವೇಳೆಗೆ ಕಾಣಿಸಿಕೊಂಡ ಬೆಂಕಿಯೂ ಕೆಲವೇ ಗಂಟೆಗಳಲ್ಲಿ ಎಲ್ಲೆಡೆ ವಿಸ್ತರಿಸಿಕೊಂಡಿತು. ನೀಲಗಿರಿಯ ಮರದ ದಿಮ್ಮಿಗಳು ಹಾಗೂ ಹುಲ್ಲುಗಾವಲು ಸುಟ್ಟು ಕರಕಲಾಗಿದೆ.ಪ್ರಾಣಿ–ಪಕ್ಷಿಗಳು ಕೂಡ ಈ ಬೆಂಕಿಗೆ ಆಹುತಿಯಾಗಿವೆ.ಮುಗಿಲೆತ್ತರಕ್ಕೆ ಬೆಂಕಿಯ ಜ್ವಾಲೆ ಪ್ರಜ್ವಲಿಸಿ, ದಟ್ಟ ಹೊಗೆ ಆವರಿಸಿಕೊಂಡ ಪರಿಣಾಮ ಸುತ್ತಮುತ್ತಲಿನ ಪ್ರದೇಶದಲ್ಲಿ ಭಯದ ವಾತಾವರಣ ನಿರ್ಮಾಣವಾಗಿತ್ತು.

‘ಯಾರೋ ಕಿಡಿಗೇಡಿಗಳು ಉದ್ದೇಶಪೂರ್ವಕ ಬೆಂಕಿ ಹಚ್ಚಿದ್ದಾರೆ. ಅರಣ್ಯ ಪ್ರದೇಶಕ್ಕೆ ಅಪಾರ ಹಾನಿಯಾಗಿದೆ’ ಎಂದುಸ್ಥಳೀಯ ನಿವಾಸಿ ಹರೀಶ್ಬೇಸರ ವ್ಯಕ್ತಪಡಿಸಿದರು.

‘ರಾಮದೇವರ ಬೆಟ್ಟ ಹಲವು ಮರಗಿಡಗಳು ಹಾಗೂ ವಿವಿಧ ಜಾತಿಯ ಪ್ರಾಣಿ–ಪಕ್ಷಿಗಳನ್ನು ಹೊಂದಿರುವ ಸಣ್ಣ ಕಾಡು. ಕಿಡಿಗೇಡಿಗಳು ಈಗಾಗಲೇ ಇದನ್ನು ಬೆಂಕಿಯಿಂದ ಸುಟ್ಟಿದ್ದಾರೆ. ಅರಣ್ಯ ಪೋಷಿಸಬೇಕಾದ ಈ ಹೊತ್ತಲ್ಲಿ ಕಾಡುನಾಶ ಮಾಡುತ್ತಿದ್ದಾರೆ’ ಎಂದು ಪರಿಸರ ಪ್ರೇಮಿ ಕಿರಣ್ ಹೇಳಿದರು.