ವಾರ್ಡಿನ ಪ್ರಗತಿ ಮತ್ತು ಸಮಸ್ಯೆ ಕುರಿತು ಮಾಹಿತಿ ನೀಡಿದ ಪುರಸಭೆ ಅಧ್ಯಕ್ಷ ಎಂ.ಮೂರ್ತಿ, ವಾರ್ಡಿನಲ್ಲಿ ಅಂದಾಜು 280 ರಿಂದ 300 ಕುಟುಂಬಗಳು ಇದ್ದು, 1,100ರಿಂದ 1,200 ಜನಸಂಖ್ಯೆ ಇದೆ. ವಿದ್ಯುತ್ ದೀಪ, ರಸ್ತೆಗಳ ಅಭಿವೃದ್ಧಿ ಪಡಿಸಲಾಗಿದೆ. ಅಂಗನವಾಡಿ ಕೇಂದ್ರ ಮೇಲ್ದರ್ಜೆಗೆ ಏರಿಸಲಾಗಿದೆ. ಪರಿಶಿಷ್ಟ ಜಾತಿ ಮೀಸಲು ಅನುದಾನದಲ್ಲಿ ಅಡುಗೆ ಅನಿಲ ಮತ್ತು ಸ್ಟೌ ನೀಡಿದ ಪರಿಣಾಮ ಶೇಕಡ 95ರಷ್ಟು ಉರುವಲು ಮುಕ್ತ ಕುಟುಂಬಗಳಾಗಿವೆ. ಶುದ್ಧ ಕುಡಿಯುವ ನೀರಿನ ಘಟಕ ನಿರ್ಮಾಣ ಹಂತದಲ್ಲಿದೆ ಎಂದು ತಿಳಿಸಿದರು.