ವಹ್ನಿಕುಲ ತಿಗಳ ಸಮುದಾಯದವರ ಶಕ್ತಿ ದೇವತೆ ಎಂದು ನಂಬಿ ಅರಾಧಿಸುವ ಶ್ರೀ ಮೌಕ್ತಿಕಾಂಭ ಅಮ್ಮನವರ ಕರಗವು ಸರ್ವದೇವತೆಗಳ ಶಕ್ತಿ ಕೇಂದ್ರ ಎಂಬುದು ಪಾರಂಪರಿಕ ನಂಬಿಕೆ. ಶಿರಭಾಗದಲ್ಲಿ ವಿಷ್ಣು, ಕಂಠಭಾಗದಲ್ಲಿ ಈಶ್ವರ, ಅಧೋಭಾಗದಲ್ಲಿ ಸೃಷ್ಟಿಕರ್ತ ಬ್ರಹ್ಮ, ಮಧ್ಯಭಾಗದಲ್ಲಿ ಸಮಸ್ತ ಮಾತೃಗಣಗಳು ವಾಸಿಸುತ್ತವೆ. ಇವೆಲ್ಲವನ್ನು ಧರಿಸಿ ಮಹಾ ಶಕ್ತಿಯಾಗಿರುವ ಮೌಕ್ತಿಕಾಂಭ ಅಮ್ಮ ಕಾಳರಾತ್ರಿ ನಾಮಾಂಕಿತದಿಂದ ರಾತ್ರಿ ಸಂಚಾರ ಮಾಡುತ್ತಾಳೆ ಎಂಬುದು ತಿಗಳ ಸಮುದಾಯದ ನಂಬಿಕೆ ಎಂದು ಹಿರಿಯ ಗಣಾಚಾರಿಗಳು ಹೇಳುತ್ತಾರೆ.