ನಾರನಹಳ್ಳಿ: ಚಿರತೆ ದಾಳಿಗೆ ಕುರಿ ಸಾವು

ದೊಡ್ಡಬಳ್ಳಾಪುರ: ತಾಲ್ಲೂಕಿನ ನಾರನಹಳ್ಳಿಯಲ್ಲಿ ಗುರುವಾರ ಮಧ್ಯಾಹ್ನ ಕುರಿ ಹಿಂಡಿನ ಮೇಲೆ ದಾಳಿ ನಡೆಸಿರುವ ಚಿರತೆ ಕುರಿಯೊಂದನ್ನು ಬಲಿ ಪಡೆದಿದೆ.

ಗ್ರಾಮದ ಮಾರೇಗೌಡ ಎಂಬುವರು ಗ್ರಾಮ ಸಮೀಪದ ಬಯಲಿನಲ್ಲಿ ಕುರಿಗಳನ್ನು ಬಿಸಿಲಿನ ಕಾರಣದಿಂದ ಮೇಯಿಸಿಕೊಂಡು ಮಧ್ಯಾಹ್ನ ಮನೆ ಕಡೆಗೆ ಬರುವ ವೇಳೆ ಒಂದು ಕುರಿ ಕಾಣೆಯಾಗಿರುವುದನ್ನು ಗಮನಿಸಿ ಹುಡುಕಾಟ ನಡೆಸಿದ್ದಾರೆ. ಆಗ ಚಿರತೆಯು ಕುರಿಯನ್ನು ಅರೆಬರೆಯಾಗಿ ತಿಂದಿರುವುದು ಗಮನಕ್ಕೆ ಬಂದಿದೆ.

ಈ ಘಟನೆಯಿಂದ ರೈತರು ಜಮೀನು ಕಡೆಗೆ ಹೋಗಲು ಭಯಪಡುವಂತಾಗಿದೆ ಎಂದು ರೈತ ಗಣೇಶ್ ತಿಳಿಸಿದ್ದಾರೆ.

ಕೆಲವೇ ದಿನಗಳ ಹಿಂದೆಯಷ್ಟೇ ಮದಗೊಂಡನಹಳ್ಳಿ, ನರಸಯ್ಯನ ಅಗ್ರಹಾರ ಗ್ರಾಮದಲ್ಲಿ ಚಿರತೆ ಮೇಕೆ ಹಿಂಡಿನ ಮೇಲೆ ದಾಳಿ ನಡೆಸಿ ಮೇಕೆಗಳನ್ನು ಬಲಿ ಪಡೆದಿತ್ತು.