7
ರಾಮನಾಥಪುರದಲ್ಲಿ ಅಕ್ರಮ ಕಲ್ಲು ಗಣಿಗಾರಿಕೆ ಪ್ರಕರಣ

ಆರು ದಿನ ಕಳೆದರು ಬಂಧನವಾಗಿಲ್ಲ, ಆಕ್ರೋಶ

Published:
Updated:
ದೇವನಹಳ್ಳಿ ಪ್ರವಾಸಿ ಮಂದಿರದಲ್ಲಿ ಭ್ರಷ್ಟಾಚಾರ ನಿಗ್ರಹ ಸಂಘಟನೆ ಪದಾಧಿಕಾರಿಗಳು

 ದೇವನಹಳ್ಳಿ: ತಾಲ್ಲೂಕಿನ ರಾಮನಾಥಪುರ ಗ್ರಾಮದಲ್ಲಿ ಅಕ್ರಮ ಕಲ್ಲು ಗಣಿಗಾರಿಕೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಐವರು ಆರೋಪಿಗಳನ್ನು ಆರು ದಿನಗಳಾದರೂ ಬಂಧಿಸಿಲ್ಲದಿರುವುದನ್ನು ಖಂಡಿಸಿ ಭ್ರಷ್ಟಾಚಾರ ನಿಗ್ರಹ ಸಂಘಟನೆ ರಾಜ್ಯ ಘಟಕ ಅಧ್ಯಕ್ಷ ಶ್ರೀನಿವಾಸ್ ಗೌಡ ಆರೋಪಿಸಿದರು.

ಇಲ್ಲಿನ ಪ್ರವಾಸಿ ಮಂದಿರದಲ್ಲಿ ಮಂಗಳವಾರ ಮಾಧ್ಯಮದವರೊಂದಿಗೆ ಮಾತನಾಡಿ, ಪ್ರಕರಣದ ಪ್ರಥಮ ವರ್ತಮಾನ ವರದಿಯ ನಕಲು ಪ್ರತಿಯನ್ನು ನೀಡಿ ಮಾತನಾಡಿದರು. ಪ್ರಕರಣ ದೂರುದಾರರಾಗಿರುವ ಪ್ರಸ್ತುತ ಅಮಾನತುಗೊಂಡಿರುವ ಸಬ್ ಇನ್‌ಸ್ಪೆಕ್ಟರ್‌ ಶ್ರೀನಿವಾಸ್ ರಾಮನಾಥಪುರದಲ್ಲಿ ನಡೆದ ಘಟನೆ ಸಂದರ್ಭದಲ್ಲಿ ಪರವಾನಿಗೆ ಇಲ್ಲದೆ ಅಕ್ರಮವಾಗಿ ಗ್ರಾನೈಟ್ ಸಾಗಿಸುತ್ತಿದ್ದ ಮೂರು ಲಾರಿಯನ್ನು ತಡೆಹಿಡಿದಿದ್ದರು. ಸ್ಥಳೀಯ ರಾಜಕೀಯ ವ್ಯಕ್ತಿಗಳು ಕೊಲೆ ಬೆದರಿಕೆ ಹಾಕಿ ಕರ್ತವ್ಯಕ್ಕೆ ಅಡ್ಡಿಪಡಿಸಿದ್ದರು. ಆ ಸಂದರ್ಭದಲ್ಲಿ ಬೇರೆಯವರ ಮೋಬೈಲ್ ಗೆ ಕರೆ ಮಾಡಿದ್ದ ವಿಜಯಪುರ ಸರ್ಕಲ್ ಇನ್‌ಸ್ಪೆಕ್ಟರ್ ಮಂಜುನಾಥ್ ಗ್ರಾನೈಟ್ ಲಾರಿಗಳ ಮಾಲೀಕರಿಗೆ ರಕ್ಷಿಸುವ ಉದ್ದೇಶದಿಂದ ಅವರ ಪರವಾಗಿ ಬೆದರಿಕೆ ಹಾಕಿದ್ದರು.

ಮುಂದುವರೆದು ಸಂಜಯ ನಗರದಲ್ಲಿರುವ ಸಬ್ ಇನ್‌ಸ್ಪೆಕ್ಟರ್‌ಗೆ ಪ್ರಾಣ ಬೆದರಿಕೆ ಹಾಕಿದ್ದಾರೆ, ದೂರಿನ ಸಂಪೂರ್ಣ ವಿವರ ಪ್ರಥಮ ವರ್ತಮಾನ ವರದಿಯಲ್ಲಿದೆ ಎಂದು ದೂರಿದರು.

ಪ್ರಥಮ ವರ್ತಮಾನ ವರದಿಯಂತೆ ಮಂಜುನಾಥ್ ಮೊದಲ ಆರೋಪಿ. ಕೃಷ್ಣಮೂರ್ತಿ 2ನೇ ಆರೋಪಿ, ವೆಂಕಟೇಶ್ ಗೌಡ 3ನೇ ಆರೋಪಿ, ಪ್ರಸನ್ನ ಆಲಿಯಾಸ್ ಕುಟ್ಟಿ 4ನೇ ಆರೋಪಿ, ಈಶ್ವರ್ ಬಾಬು 5ನೇ ಆರೋಪಿಗಳಾಗಿದ್ದಾರೆ ಎಂದು ವಿವರಿಸಿದರು.

ಈ ಐವರು ಆರೋಪಿಗಳ ವಿರುದ್ಧ ಐಪಿಸಿ ಸೆಕ್ಷನ್ 511.120 ಬಿ, 353,201,307,392,506(ಬಿ) ಅಡಿಯಲ್ಲಿ ದೂರು ದಾಖಲಾಗಿದ್ದು 8ನೇ ಎ.ಸಿ.ಎಂ.ಎಂ. ನ್ಯಾಯಾಲಯದಿಂದ ಅನುಮತಿ ಪಡೆಯಲಾಗಿದೆ ಎಂದು ತಿಳಿಸಿದರು.

ಇಲಾಖೆ ಕಾನೂನಿನ ಪ್ರಕಾರ ಸಬ್ ಇನ್ಸ್‌ಪೆಕ್ಟರ್ ಅಮಾನತು ಮಾಡಬಹುದಾದರೆ ಇಲಾಖೆಯ ನಿಯಮದಂತೆ ಪ್ರಥಮ ವರ್ತಮಾನ ವರದಿ ದಾಖಲಿಸಿ 6 ದಿನ ಕಳೆದಿದೆ. (ಜೂನ್ 20 ರಂದು) ಹಿರಿಯ ಅಧಿಕಾರಿಗಳು ಇನ್ನೂ ಯಾಕೆ ಮೀನಮೇಷ ಎಣಿಸುತ್ತಿದ್ದಾರೆ. ಸರ್ಕಾರವೇ ಆರೋಪಿಗಳ ರಕ್ಷಣೆಗೆ ಒತ್ತು ನೀಡುತ್ತಿದೆಯೇ ಎಂಬ ಅನುಮಾನ ಕಾಡುತ್ತಿದೆ. ಪ್ರಾಮಾಣಿಕ ಅಧಿಕಾರಿಗೆ ರಕ್ಷಣೆಗೆ ಬದ್ಧತೆ ತೋರಿಸಬೇಕು ಎಂದು ಒತ್ತಾಯಿಸಿದರು. ಭ್ರಷ್ಟಾಚಾರ ನಿಗ್ರಹ ಸಂಘಟನೆ ಸದಸ್ಯರು ಉಪಸ್ಥಿತರಿದ್ದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !