ಪರೀಕ್ಷಾ ಶುಲ್ಕ ಏರಿಕೆ: ವಿದ್ಯಾರ್ಥಿಗಳ ಪ್ರತಿಭಟನೆ 

7

ಪರೀಕ್ಷಾ ಶುಲ್ಕ ಏರಿಕೆ: ವಿದ್ಯಾರ್ಥಿಗಳ ಪ್ರತಿಭಟನೆ 

Published:
Updated:
Deccan Herald

ದೇವನಹಳ್ಳಿ: ಬೆಂಗಳೂರು ವಿಶ್ವವಿದ್ಯಾಲಯ ಪರೀಕ್ಷೆ ಶುಲ್ಕ ಏರಿಕೆ ಖಂಡಿಸಿ ವಿದ್ಯಾರ್ಥಿಗಳು ಇಲ್ಲಿನ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜು ಆವರಣದಲ್ಲಿ ಗುರುವಾರ ಪ್ರತಿಭಟನೆ ನಡೆಸಿದರು.

ಪ್ರತಿಭಟನೆಯಲ್ಲಿ ಪಾಲ್ಗೊಂಡು ಮಾತನಾಡಿದ ವಿದ್ಯಾರ್ಥಿನಿಯರಾದ ಐಶ್ವರ್ಯ, ಪವಿತ್ರ, ಪಲ್ಲವಿ, ಕಾವ್ಯ ,ಅಂಬಿಕಾ, ಬಿ.ಬಿ.ಎ ಕೋರ್ಸ್‌ಗೆ ಕಳೆದ ವರ್ಷದ ಪರೀಕ್ಷಾ ಶುಲ್ಕ ₹1706 ಇತ್ತು. ಪ್ರಸ್ತುತ ₹2725 ಭರಿಸಬೇಕಿದ್ದು, ಶೇ51ರಷ್ಟು ಏರಿಕೆ ಮಾಡಲಾಗಿದೆ ಎಂದು ದೂರಿದರು.

ಬಿ.ಕಾಂಗೆ ₹ 810ರಿಂದ ₹ 995, ಬಿ.ಎಸ್ಸಿಗೆ ₹713 ರಿಂದ ₹825, ಬಿ.ಎ.ಗೆ ₹641 ರಿಂದ ₹675 ಏರಿಕೆ ಮಾಡಲಾಗಿದೆ. ವಿಶ್ವವಿದ್ಯಾಲಯ ಗ್ರಾಮೀಣ ಪ್ರದೇಶದ ಬಡ ವಿದ್ಯಾರ್ಥಿಗಳ ಹಿತದೃಷ್ಟಿ ಗಮನದಲ್ಲಿ ಇಟ್ಟುಕೊಂಡಿಲ್ಲ. ಇಲ್ಲಿ ಬರುವ ವಿದ್ಯಾರ್ಥಿಗಳು ರೈತರು ಮತ್ತು ಬಡಕೂಲಿ ಕಾರ್ಮಿಕರ ಮಕ್ಕಳು. ಒಂದೊಂದು ರೂಪಾಯಿ ಕಟ್ಟಲು ಕಠಿಣ ಪರಿಸ್ಥಿತಿ ಇದೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.

ವಿದ್ಯಾರ್ಥಿಗಳಾದ ಮನೋಜ್, ಚಂದನ್, ಕಾರ್ತಿಕ್, ಸಂದೀಪ್, ಪ್ರವೀಣ್ ಮಾತನಾಡಿ, ಶುಲ್ಕ ಏರಿಕೆ ಹೋರಾಟ ಮುಂದುವರಿಯಲಿದೆ ಎಂದು ತಿಳಿಸಿದರು.

 ಪ್ರಾಂಶುಪಾಲ ಶಿವಶಂಕರಪ್ಪ ಅವರಿಗೆ ವಿದ್ಯಾರ್ಥಿಗಳು ಮನವಿ ಪತ್ರ ಸಲ್ಲಿಸಿದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !