ಸರ್ಕಾರಿ ಕಿರಿಯ ಕಾಲೇಜು ಮೈದಾನದ ಕಡೆಯಿಂದ ಹರಿದುಬಂದ ಅಪಾರ ಪ್ರಮಾಣದ ಮಳೆ ನೀರು ಸರಾಗವಾಗಿ ಹರಿಯಲು ಜಾಗವಿಲ್ಲದೆ ಪುರಸಭೆ ಮುಂಭಾಗದ ಮೈದಾನಕ್ಕೆ ಹರಿದು, ಕೆರೆಯಂತಾಗಿತ್ತು. ವಿಜಯಪುರ ಕ್ರಾಸ್ನ ತಗ್ಗು ಪ್ರದೇಶದಿಂದ ಹರಿಯುವ ನೀರು ಚಿಕ್ಕ ಸಿಹಿನೀರಿನ ಕೆರೆ ಸೇರಬೇಕು. ಎಡಭಾಗದ ಕಾಲುವೆ ನೀರು ಹಳೆ ಸಿನಿಮಾ ಟೆಂಟ್ ಪಕ್ಕದ ರಸ್ತೆ ಕಡೆಗೆ ಹರಿಯಬೇಕು. ಆದರೆ, ಈ ಅಪಾರ ಪ್ರಮಾಣದ ನೀರು ಹರಿಯಲು ಅವಕಾಶವಿಲ್ಲದೆ ಕೆರೆಯಂತಾಗಿದೆ ಎಂಬುದು ಸ್ಥಳೀಯರ ದೂರು.