ದೇವನಹಳ್ಳಿ: ಮಣ್ಣಿನ ಗಣಪತಿ ಮೂರ್ತಿಗೆ ಹೆಚ್ಚಿದ ಬೇಡಿಕೆ

ಗಣೇಶೋತ್ಸವಕ್ಕೆ ವಾರ ಬಾಕಿ ಇದ್ದು, ಮೂರ್ತಿ ಖರೀದಿಗೆ ಜನ ಮುಗಿಬೀಳುತ್ತಿದ್ದಾರೆ. ರಾಮಲಲ್ಲಾ ಗಣೇಶ ಮೂರ್ತಿಗೆ ಈ ಬಾರಿ ಹೆಚ್ಚಿನ ಬೇಡಿಕೆ ಇದ್ದು, ಹಲವರು ಮುಂಗಡ ಹಣ ಕೊಟ್ಟು ಮೂರ್ತಿಗಳನ್ನು ತಯಾರು ಮಾಡಿಸಿದ್ದಾರೆ.

ಆನೆ, ನವಿಲು, ಗರುಡ, ಇಲಿ, ಹಸುವಿನ ಮೇಲೆ ಗಣೇಶ ಮೂರ್ತಿ ಕುಳಿತಿರುವ ಮೂರ್ತಿಗಳು ಆಕರ್ಷಿಸುತ್ತಿವೆ.

ಪ್ರತಿ ವರ್ಷ ಎರಡು ಟಿಪ್ಪರ್ ಲೋಡಿನಷ್ಟು ಜೇಡಿ ಮಣ್ಣು ತರಿಸಿಕೊಂಡು ಮೂರ್ತಿಗಳು ತಯಾರಿಸುತ್ತಿದ್ದ ಕಲಾವಿದರು ಈ ಬಾರಿ ಆರು  ಲೋಡುಗಳಷ್ಟು ಮಣ್ಣು ತಂದು ತಯಾರಿಸುತ್ತಿದ್ದೇವೆ. ಕಳೆದ ವರ್ಷದಲ್ಲಿ 400 ಮೂರ್ತಿ ತಯಾರಿಸಿದ್ದವು. ಈ ಬಾರಿ ಸಾವಿರಕ್ಕೂ ಅಧಿಕ ಮೂರ್ತಿ ತಯಾರಿಸಿದ್ದೇವೆ. ₹100ರಿಂದ ಹಿಡಿದು ₹15 ಸಾವಿರ ವರೆಗೆ ಮೂರ್ತಿಗಳಿವೆ ಎಂದು ಮೂರ್ತಿ ತಯಾರಕರು ತಿಳಿಸಿದ್ದಾರೆ.

ಪ್ರತಿ ವರ್ಷ ನವೆಂಬರ್ ತಿಂಗಳಿನಲ್ಲಿ ದಸರಾ ಪೂಜೆ ಸಲ್ಲಿಸಿದ ನಂತರ ಮೂರ್ತಿ ತಯಾರಿಕೆ ಆರಂಭಿಸಿ ಮಾಡಿ ಸೆಪ್ಟೆಂಬರ್ ವರೆಗೂ ತಯಾರಿಕೆ ಕಾರ್ಯ ನಡೆಯುತ್ತದೆ. ಒಂದು ತಿಂಗಳು ಮಾತ್ರವೇ ನಮಗೆ ಬಿಡುವು ಇರುತ್ತದೆ ಎನ್ನುತ್ತಾರೆ ಕಲಾವಿದ ಆರ್. ಗಗನ್.