ಮಾರುಕಟ್ಟೆಯಲ್ಲಿ ಸೀರೆಗೆ ಬೇಡಿಕೆ ಇಲ್ಲ: ಕಚ್ಚಾಮಾಲು ಸೂರತ್ನಿಂದ ತರಬೇಕು. ಮಳೆಗಾಲದಿಂದಾಗಿ ಕಚ್ಚಾಮಾಲು ಸಿಗುತ್ತಿಲ್ಲ. ಬಟ್ಟೆ ನೇಯುವಾಗ ಹೆಚ್ಚು ವೆಸ್ಟೇಜ್ ಆಗುತ್ತಿದೆ. ಇದರ ನಷ್ಟವನ್ನೇ ನೇಕಾರರೇ ಭರಿಸಬೇಕು. ₹1ಸಾವಿರಕ್ಕೆ ಮಾರಾಟವಾಗುತ್ತಿದ್ದ ಸೀರೆ ₹600ಕ್ಕೆ ಮಾರಾಟವಾಗುತ್ತಿದೆ. ವಾರಪೂರ್ತಿ ದುಡಿದರೂ ಲಾಭ ಅಷ್ಟಕ್ಕೆಷ್ಟೆ. ಈ ಸಂಪಾದನೆಯಿಂದ ಕುಟುಂಬ ಪೋಷಣೆ, ಮನೆ ಬಾಡಿಗೆ, ಮಕ್ಕಳ ಶಿಕ್ಷಣ ಕೊಡಿಸುವುದು ಹೇಗೆ ? ಮುಂದಿನ ಭವಿಷ್ಯಕ್ಕಾಗಿ ಹೂಡಿಕೆ ಮಾಡುವುದಾರೂ ಹೇಗೆ ? ಎನ್ನುವ ಚಿಂತೆ ಕಾಡುತ್ತಿದೆ ಎಂದು ಅಳಲು ತೋಡಿಕೊಂಡರು.