ಪಿಯು ಪರೀಕ್ಷೆ:1,875 ವಿದ್ಯಾರ್ಥಿಗಳು ಗೈರು

ಬೆಳಗಾವಿ ಶೈಕ್ಷಣಿಕ ಜಿಲ್ಲೆಯಲ್ಲಿ ರಾಜ್ಯಶಾಸ್ತ್ರ ಪರೀಕ್ಷೆಗೆ 9,835 ವಿದ್ಯಾರ್ಥಿಗಳು ನೋಂದಾಯಿಸಿದ್ದರು. ಈ ಪೈಕಿ 9,016 ವಿದ್ಯಾರ್ಥಿಗಳು ಹಾಜರಾದರು. 819 ವಿದ್ಯಾರ್ಥಿಗಳು ಬರಲಿಲ್ಲ.

ಸಂಖ್ಯಾಶಾಸ್ತ್ರ ವಿಷಯಕ್ಕೆ 1,636 ವಿದ್ಯಾರ್ಥಿಗಳ ಪೈಕಿ 1,579 ವಿದ್ಯಾರ್ಥಿಗಳು ಹಾಜರಾದರು. 57 ವಿದ್ಯಾರ್ಥಿಗಳು ಗೈರುಹಾಜರಾದರು.

ಚಿಕ್ಕೋಡಿ ಶೈಕ್ಷಣಿಕ ಜಿಲ್ಲೆಯಲ್ಲಿ ರಾಜ್ಯಶಾಸ್ತ್ರ ಪರೀಕ್ಷೆಗೆ ನೋಂದಾಯಿಸಿದ್ದ 13,918 ವಿದ್ಯಾರ್ಥಿಗಳ ಪೈಕಿ 12,922 ವಿದ್ಯಾರ್ಥಿಗಳು ಹಾಜರಾದರು. 996 ವಿದ್ಯಾರ್ಥಿಗಳು ಬರಲಿಲ್ಲ. ಸಂಖ್ಯಾಶಾಸ್ತ್ರಕ್ಕೆ 376 ವಿದ್ಯಾರ್ಥಿಗಳು ನೋಂದಾಯಿಸಿದ್ದರು. ಈ ಪೈಕಿ 373 ಮಂದಿ ಹಾಜರಾದರು. ಮೂವರು ವಿದ್ಯಾರ್ಥಿಗಳು ದೂರ ಉಳಿದರು ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.