‘ವಸಂತ-ಸುಜಾತಾ ದಂಪತಿಯ ಕಿರಿಯ ಪುತ್ರ ರಾಹುಲ್, 2012ರಲ್ಲಿ ಬಿಎಸ್ಎಫ್ಗೆ ಸೇರಿದ್ದರು. ಅವರ ಸಹೋದರ ಇಂಡೋ–ಟಿಬೆಟಿಯನ್ ಬಾರ್ಡರ್ ಪೊಲೀಸ್ ಪಡೆಯಲ್ಲಿದ್ದಾರೆ. ತಾಲ್ಲೂಕಿನ ಚಾಪಗಾಂವದ ಯುವತಿಯೊಂದಿಗೆ ಕಳೆದ ಡಿ. 14ರಂದು ರಾಹುಲ್ ನಿಶ್ಚಿತಾರ್ಥ ನಡೆದಿತ್ತು. ಮೇ ತಿಂಗಳಲ್ಲಿ ಬೇಸಿಗೆ ರಜೆಯಲ್ಲಿ ಮದುವೆಗೂ ನಿಶ್ಚಯಿಸಲಾಗಿತ್ತು. ಡಿಸೆಂಬರ್ನಲ್ಲಿ ಊರಿಗೆ ಬಂದಿದ್ದ ರಾಹುಲ್, ತಂದೆಯೊಂದಿಗೆ ಜಮೀನಿನಲ್ಲಿ ಕೆಲಸ ಮಾಡಿದ್ದರು. ಭತ್ತವನ್ನು ರಾಶಿ ಮಾಡಿದ್ದರು. ಮೇಗೆ ಬರುವುದಾಗಿ ಹೇಳಿ ಹೋಗಿದ್ದ’ ಎಂದು ಹೇಳಿದ ಅವರ ಸಂಬಂಧಿ ಪುಂಡಲೀಕ ಚೋಪಡೆ ಗದ್ಗದಿತರಾದರು.