ಭಾನುವಾರ ಶಾಲೆಗೆ ರಜೆ ಇದ್ದುದರಿಂದ ತಾತ ಬಾಲಕನನ್ನು ಕರೆದುಕೊಂಡು ಊರ ಹೊರಗಿನ ಬಾವಿಯಲ್ಲಿ ಈಜು ಕಲಿಸಲು ಹೋಗಿದ್ದರು. ಬಾಲಕನ ಬೆನ್ನಿಗೆ ಪ್ಲಾಸ್ಟಿಕ್ ಡಬ್ಬ ಕಟ್ಟಿ ನೀರಿಗೆ ಇಳಿಸಿದ್ದರು. ಈಜುವಾಗಲೇ ಡಬ್ಬಿ ಕಳಚಿದ್ದರಿಂದ ಬಾಲಕ ನೀರಿನಲ್ಲಿ ಮುಳುಗಿದ. ಆದರೆ, ದಡದಲ್ಲಿ ಕುಳಿತಿದ್ದ ತಾತನಿಗೆ ಇದು ಬೇಗ ಕಾಣಿಸಲಿಲ್ಲ. ಕೆಲವು ನಿಮಿಷದ ನಂತರ ವಿಷಯ ಗೊತ್ತಾಯಿತು. ಅವರು ಕೂಗಾಡಿ ಹತ್ತಿರದಲ್ಲಿದ್ದ ಜನರನ್ನು ಕರೆದರು. ಈಜುಗಾರರು ಬಾವಿಗೆ ಜಿಗಿದು ಬಾಲಕನನ್ನು ಹೊರತಂದರು. ಆದರೆ, ಅಷ್ಟರೊಳಗೆ ಬಾಲಕ ಕೊನೆಯುಸಿರೆಳೆದಿದ್ದ.