ಗೋಕಾಕ: ಹೃದಯಾಘಾತದಿಂದ ಬಸ್‌ ಚಾಲಕ ಸಾವು, ಪ್ರಯಾಣಿಕರು ಪಾರು

ತಾಲ್ಲೂಕಿನ ಮೇಲ್ಮಟ್ಟಿ ಗ್ರಾಮದ ನಿವಾಸಿ ಮಂಜು ವೀರಪ್ಪ ಅಂಕಲಗಿ (43) ಮೃತಪಟ್ಟವರು. ಬಸ್‌ ಸಂಚರಿಸುವಾಗಲೇ ಅವರಿಗೆ ಎದೆನೋವು ಕಾಣಿಸಿಕೊಂಡಿತು. ತಕ್ಷಣ ಅವರು ಬಸ್‌ಅನ್ನು ರಸ್ತೆ ಪಕ್ಕಕ್ಕೆ ತಂದು ನಿಲ್ಲಿಸಿದರು. ಕಂಡಕ್ಟರ್‌ ಹಾಗೂ ಪ್ರಯಾಣಿಕರ ನೆರವಿನಿಂದ ಇನ್ನೊಂದು ವಾಹನದಲ್ಲಿ ಅವರನ್ನು ಆಸ್ಪತ್ರೆಗೆ ಸಾಗಿಸಲಾಯಿತು. ಅಷ್ಟರೊಳಗೆ ಪ್ರಾಣ ಬಿಟ್ಟಿದ್ದರು ಎಂದು ಮೂಲಗಳು ತಿಳಿಸಿವೆ.

‘ಮಂಜು ಅವರು ತಮ್ಮ ಪ್ರಾಣ ಬಿಟ್ಟರೂ ಇಳಿಜಾರಿನಲ್ಲಿ ಬಸ್‌ ಅಪಘಾತವಾಗದಂತೆ ಮಾಡಿ, ನಮ್ಮ ಪ್ರಾಣ ಕಾಪಾಡಿದರು’ ಪ್ರಯಾಣಿಕ ಶಿವಾನಂದ ಯದ್ದಲಗುಡ್ಡ ತಿಳಿಸಿದರು.